სახელმწიფო უსაფრთხოების და კრიზისების მართვის საბჭო მედიასაშუალებებს თხოვნით მიმართავს, დაუზუსტებელი ინფორმაციის გავრცელებისგან თავი შეიკავონ, რათა  მოსახლეობაში პანიკის გავრცელებას ხელი არ შეუწყონ. ინფორმაციას ამის თაობაზე საგანგებო შტაბი ავრცელებს.

ასევე  მოსახლეობას  სიმშვიდისკენ მოუწოდებენ და აცხადებენ, რომ მდინარე ვერეს ხეობაში სიტუაცია  კონტროლს ექვემდებარება. ამასთანავე,  მოქალაქეებს უკიდურესი აუცილებლობის გარდა  ავტომანქანებით გადაადგილებისგან თავის შეკავებას ურჩევენ.

"13 ივნისს სტიქიური მოვლენების განვითარების შემდეგ საგანგებო შტაბში შემუშავებულ იქნა პრევენციული ღონისძიებების გეგმა. დღეს ამ გეგმის შესაბამისად ვიმოქმედეთ. მას შემდეგ, რაც გარემოს დაცვის სამინისტროდან შემოვიდა ინფორმაცია მდინარე ვერეს წყალშემკრები აუზის არეალში ამინდის შესაძლო გაუარესების შესახებ, რამდენიმე წუთის განმავლობაში განხორციელდა მდგომარეობის გადამოწმება სასიგნალო სისტემის მეშვეობით და მიღებულ იქნა გადაწყვეტილება მდ. ვერეს ხეობაში მიმდინარე აღდგენითი სამუშაოების დროებით შეჩერების შესახებ. განხორციელდა ადამიანების და ტექნიკის გაყვანა უსაფრთხო ზონაში. სამუშაოები განახლდება ამინდის გაუმჯობესებისთანავე.
ბაგებში და წყნეთი-ახალდაბას მიმართულებაზე მიმდინარეობს ვითარების მონიტორინგი, ადგილზე მობილიზებულია სამაშველო და ყველა სხვა შესაბამისი სამსახური და ნებისმიერი შესაძლო გართულების შემთხვევაში განხორციელდება შესაბამისი ღონისძიებები",-ნათქვამია საგანგებო შტაბის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს