დედაქალაქის მერია დაავადებული ფიჭვების გეგმიურ სანიტარულ ჭრას ახორციელებს. თბილისის მერის მოადგილის, მაია ბითაძის თქმით, ხეების განკურნება უკვე დაგვიანებულია.

„პრაქტიკულად, ფიჭვების ყველა კორომი, რომელიც დღეს თბილისში გვაქვს, არის დაავადებული და სამწუხაროდ, განკურნებას არ ექვემდებარება. ამაზე არსებობს რეკომენდაციები ჩვენი ესპანელი პარტნიორებისგან, რომლებიც ცოტა ხნის წინ სპეციალურად ამ მიზნით ჩამოვიდნენ თბილისში. ჩვენი გეგმაა მთლიანად მწვანე საფარის განახლება როგორც ფერდობებზე, ასევე, ურბანულ გარემოში“, - განაცხადა მაია ბითაძემ.

მისი თქმით, დაავადების მასშტაბები ძალიან დიდია და სანიტარული ჭრები მომავალ წელსაც გაგრძელდება.

„მასშტაბი ძალიან დიდია, რაც უკვე ვიზუალურადაც ჩანს. შესაბამისად, სანიტარული ღონისძიებები როგორც წელს, ასევე, მომდევნო წელსაც არის დაგეგმილი. საუბარია ათი ათასობით ხეზე, რომელიც როგორც ურბანულ გარემოში, ისე თბილისის სატყეო უბნებში იქნება მოჭრილი, თუმცა იმ პროგრამით, რომელსაც მუნიციპალიტეტი გეგმავს, თითოეული ხის ნაცვლად დაირგვება ახალი ხე, იმ სტანდარტით, რომელიც ჩვენ უკვე დავნერგეთ“, - აღნიშნა მაია ბითაძემ.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს