გიორგი კვირიკაშვილმა ნიკა რურუას ოჯახს პირადად მიუსამძიმრა

2018-12-05 21:49:41, 1470 ნახვა

საზოგადოება

„ნაციონალური მოძრაობის“ წევრის, ნიკა რურუას ოჯახს ყოფილმა პრემიერ-მინისტრმა, გიორგი კვირიკაშვილმა პირადად მიუსამძიმრა.

„მე ნიკოლოზს ვიცნობ არა ერთი ათეული წელია, ახალგაზრდობიდან. ძალიან გული დამწყდა მისი წასვლის გამო. ჩვენი ცხოვრების გზები გაიყარა, პოლიტიკურადაც სხვადასხვა გუნდში აღმოვჩნდით, მაგრამ როდესაც ადამიანი მიდის, პოლიტიკური აზრთა სხვადასხვაობა აქტუალობას კარგავს. ამიტომ, მინდა მთელი გულით მივუსამძიმრო მის ოჯახს, ახლობლებს და მეგობრებს. ძალიან გულდასაწყვეტია, რომ ამ ასაკში წავიდა ამქვეყნიდან“, - განაცხადა გიორგი კვირიკაშვილმა.

ზანდუკელის ქუჩაზე, სადაც ნიკა რურუა ცხოვრობდა, დილიდან ხალხმრავლობაა. პოლიტიკოსის ოჯახს მისი მხარდამჭერები, ახლობლები და მეგობრები უსამძიმრებენ. ნიკა რურუას ხვალ დაკრძალავენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები