სახელმწიფო დეპარტამენტი: საპრეზიდენტო არჩევნებმა დაუბრკოლებლად ჩაიარა, თუმცა დარღვევებით შეშფოთებული ვართ

2018-12-05 11:45:30, 1268 ნახვა

პოლიტიკა

ამერიკის შეერთებული შტატები მოხარულია, რომ საქართველოში საპრეზიდენტო არჩევნები დაუბრკოლებლად ჩატარდა, თუმცა, შეშფოთებულია მრავალრიცხოვანი დარღვევებით, - ამის შესახებ აშშ-ის სახელმწიფო დეპარტამენტის წარმომადგენელმა განაცხადა.

ამასთან, ამერიკა საქართველოს ნატო-ში გაწევრიანებას მხარს უჭერს.

„აშშ მკაფიოდ უჭერს მხარს 2008 წლის ბუქარესტის სამიტის დეკლარაციას, რომელიც ადასტურებს საქართველოს ნატო-ში მომავალს. საქართველომ უზარმაზარი ნაბიჯი გადადგა რეფორმების განხორციელებაში, განსაკუთრებით თავდაცვის სფეროში. საქართველოს წვლილი საერთაშორისო რეფორმებში უზარმაზარია. მოხარული ვართ, რომ საქართველოში საპრეზიდენტო არჩევნები დაუბრკოლებლად ჩატარდა. ჩვენ შეშფოთებულები ვართ მრავალრიცხოვანი დარღვევებით, რომლებიც ამ არჩევნების დროს ვიხილეთ, თუმცა ახლა ძალიან ყურადღებით ვაკვირდებით, თუ როგორც აღასრულებენ ქართველები ახალ კონსტიტუციას. ვფიქრობ, რომ მომავალი წლის დასაწყისი იქნება ტესტი საქართველოს დემოკრატიული ინსტიტუტებისთვის“, - განაცხადა დეპარტამენტის წარმომადგენელმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები