ახალი რეგლამენტით მთავრობის საპარლამენტო კონტროლი იზრდება

2018-12-04 13:05:14, 1218 ნახვა

პოლიტიკა

პარლამენტის საპროცედურო საკითხთა კომიტეტი ახალი რეგლამენტის პროექტს მეორე მოსმენით განიხილავს.

ახალი რეგლამენტის თანახმად, მთავრობის საპარლამენტო კონტროლი იზრდება. კერძოდ, პარლამენტი ვალდებულია მთავრობის საქმიანობა გააკონტროლოს და მისგან გარდა ყოველწლიური ანგარიშისა, შეუსრულებელი საქმეების შესახებ ინფორმაცია მოითხოვოს.

როგორც პარლამენტის ვიცე-სპიკერმა თამარ ჩუგოშვილმა განმარტა, პარლამენტს რეგულარულად ექნება მთავრობის წევრების მოსმენები არამხოლოდ კომიტეტებში, არამედ პლენარულ სხდომებზეც.

"ფაქტობრივად ჩვენ არ გვექნება არცერთი სასესიო კვირა, როდესაც მთავრობის წევრები არ იქნებიან წარმოდგენილი პარლამენტის სხდომაზე და შესაბამისად არ იქნება არცერთი სასესიო კვირა, როდესაც ჩვენი საზოგადოება პარლამენტისგან არ ნახავს არამხოლოდ კანონშემოქმედებით პროცესს, ასევე ნახავს და მოისმენს მთავრობის წევრების მხრიდან მათი საქმიანობის ანგარიშს და დეპუტატების კითხვებზე პასუხებს", - განაცხადა თამარ ჩუგოშვილმა.

გარდა ამისა, ახალი რეგლამენტის პროექტში ნათქვამია, რომ პარლამენტის საქმიანობის ადგილი თბილისია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები