შსს-ს წარმომადგენლებმა ქალთა მიმართ ძალადობის საკითხებზე მოსწავლეებთან საინფორმაციო შეხვედრა გამართეს

2018-12-02 15:35:26, 1094 ნახვა

საზოგადოება

შინაგან საქმეთა სამინისტრო აქტიურად მონაწილეობს ქალთა მიმართ ძალადობის წინააღმდეგ ბრძოლის 16-დღიან კამპანიაში.

აღნიშნული კამპანიის ფარგლებში, სამინისტროს ინიციატივით, თბილისის N77 საჯარო სკოლის მე-9 და მე-10 კლასის მოსწავლეებთან საინფორმაციო შეხვედრა ჩატარდა.

შინაგან საქმეთა სამინისტროს ადამიანის უფლებათა დაცვის დეპარტამენტის თანამშრომელი მოზარდებს დეპარტამენტის ფუნქციებზე, ამოცანებისა და საქმიანობის ძირითადი მიმართულებების შესახებ ესაუბრა. სამინისტროს წარმომადგენელმა უფროსკლასელებს, ასევე, გააცნო ოჯახში და ქალთა მიმართ ძალადობის მსხვერპლთა დაცვის სახელმწიფო სერვისების დანიშნულება და ფუნქციები, ძალადობის წინააღმდეგ ბრძოლის შესახებ კანონმდებლობა და არსებული ინსტრუმენტები.

შეხვედრის მიზანი იყო არასრულწლოვნების სამართლებრივი ცნობიერების ამაღლება და მათი ინფორმირება ძალადობის შემთხვევებთან დაკავშირებით სახელმწიფო სტრუქტურების ჩართულობის შესახებ.

შეხვედრაში, ასევე, მონაწილეობდნენ მართლწესრიგის ოფიცრები, რომლებმაც ახალშექმნილი სამსახურის სპეციფიკის, მართლწესრიგის ოფიცრის როლსა და ფუნქციებზე ისაუბრეს. სამინისტროს წარმომადგენლებმა შეხვედრის მონაწილეთა შეკითხვებსაც უპასუხეს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები