კონსტანტინოპოლმა უკრაინაში ეკლესიის ავტოკეფალიის შესახებ ტომოსის ტექსტი დაამტკიცა, - ამის შესახებ BBC იუწყება.

მედია საშუალების ინფორმაციით, გადაწყვეტილება სტამბოლში გამართული მსოფლიო საპატრიარქოს სინოდის სხდომაზე მიიღეს.

მედიის ცნობით, სინოდის წევრებს უკრაინის მართლმადიდებელი ეკლესიების გამაერთიანებელი კრების თარიღი არ დაუსახელებიათ, თუმცა უკრაინის პრეზიდენტის პეტრო პოროშენკოს განცხადებით გამაერთიანებელი კრების გამართვის თარიღს მსოფლიო პატრიარქი უახლოეს დღეებში დაასახელებს. გარდა ამისა, პოროშენკოს მრჩევლის როსტისლავ პავლენკოს თქმით, რომელიც სტამბოლში იმყოფებოდა, კრება დეკემბრის პირველ რიცხვებში ჩატარდება. 

როგორც BBC იტყობინება, სწორედ ამ კრებაზე უნდა აირჩიონ უკრაინის მართლმადიდებელი ეკლესიის ახალი პატრიარქი, რომელიც მსოფლიო საპატრიარქოსგან ტომოსს მიიღებს და ახალ ავტოკეფალურეკლესიას ჩაუდგება სათავეში. 

შეგახსენებთ, 11 ოქტომბერს კონსტანტინოპოლის მსოფლიო საპატრიარქოს სინოდმა კიევის საპატრიარქოს მეთაურ ფილარეტს კანონიკური სტატუსი აღუდგინა და ანათემა მოეხსნა. სინოდმა ასევე გააუქმა 1686 წლის გადაწყვეტილება, რის მიხედვითაც რუსეთის საპატრიარქოს უფლება მიენიჭა კიევის ეკლესიის მიტროპოლიტი დაენიშნა. 

ცნობისთვის, რუსეთის მართლმადიდებლურმა ეკლესიამ კონსტანტინოპოლის პატრიარქთან ევქარისტული კავშირი 15 ოქტომბერს გაწყვიტა. მიმდინარე წლის აპრილში უკრაინის პრეზიდენტმა პეტრო პოროშენკომ კონსტანტინოპოლის პატრიარქ ბართლომეს წერილი მიწერა. პოროშენკომ მსოფლიო პატრიარქს უკრაინული ეკლესიისთვის ავტოკეფალიის მინიჭება სთხოვა. მოსკოვის საპატრიარქოსა და კონსტანტინეპოლს შორის ურთიერთობა მას შემდეგ დაიძაბა, რაც მსოფლიო პატრიარქმა განაცხადა, რომ უკრაინის ეკლესიას ავტოკეფალიის მიღების უფლება აქვს და ეს უახლოეს მომავალში მოხდება. ამასთან, რუსეთის საპატრიარქომ მსოფლიო პატრიარქი უფლებების გადამეტებაში დაადანაშაულა და აღნიშნა, რომ მისი გადაწყვეტილება ქვეყნის ერთობას საფრთხეს უქმნის. 

ავტორი: ,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე