2015-06-14 08:53:59, 289 ნახვა
თავდაცვის სამინისტრო მოსახლეობას მიმართავს, პანიკას არ აყვნენ
თავდაცვის სამინისტრო მოსახლეობას თხოვნით მიმართავს, პანიკას არ აყვნენ.
თბილისში ძლიერი წვიმის შედეგად შექმნილ სიტუაციასთან დაკავშირებით თავდაცვის მინისტრი თინა ხიდაშელი განცხადებას ავრცელებს.
"თავდაცვის სამინისტრო პირველი წუთებიდან ჩართულია პროცესებში. სამინისტროს და გენშტაბის ხელმძღვანელობა იმყოფება ადგილზე.
სრულად არის მობილიზებული საინჟინრო ბრიგადისა და ლოჯისტიკის პირადი შემადგენლობა, რომლებიც ყველა ტექნიკური საშუალებით დახმარებას უწევენ დაზარალებულებს.
თავდაცვის სამინისტრო და საქართველოს ხელისუფლება ყველაფერს აკეთებს მოსახლეობის დასახმარებლად",– ნათქვამია განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
