ქუთაისის N2 პენიტენციურ დაწესებულებაში მსჯავრდებულის, ემილ ხოფერიას თვითმკვლელობაში, გარდაცვლილის ოჯახი ციხის ადმინისტრაციას ადანაშაულებს.

გარდაცვლილის დეიდის ვიოლეტა ხოფერიას თქმით, პატიმრისთვის მეტი ყურადღება უნდა მიექციათ. ოჯახის განცხადებით, ცხედარი დასახიჩრებულია, რის გამოც დამატებითი ექსპერტიზის ჩატარებას მოითხოვენ. „

უნდა ყოფილიყო მკაცრი კონტროლის ქვეშ, იქიდან გამომდიანარე, რომ იცოდნენ, გამორიცხულია არ სცოდნოდათ როგორ ფსიქოლოგიურ მდგომარეობაში იქნებოდა, მითუმეტეს, როცა შეატყობინეს დედის გარდაცვალება. ან მე რატომ არ შემახვედრეს?! მიიყვანეს მკვლელობამდე, მერე არ ვიცი მორგში ხომ მიჰყავთ, რა გააკეთეს ამოუჭრეს რამე? რა საჭირო იყო ამხელა გადაჭრები, მთლიანი ყელი გადაჭრილია და ტანი“, - განაცხადა ვიოლეტა ხოფერიამ.

ოჯახისთვის საეჭვოა გარდაცვლილის ის წერილიც, სადაც ბრალდებული თვითმკვლელობაზე საუბრობს, რადგან მათი მტკიცებით, ემილ ხოფერია ქართულად გამართულად ვერ წერდა.

"წერილი არის ქართულად დაწერილი, ქართულად არ წერდა ის. რუსულ სკოლაში სწავლობდა, ქართული არ იცოდა, ვფიქრობ, რომ მას უბიძგეს და თვითმკვლელობამდე მიიყვანეს“, - აღნიშნა გარდაცვლილის ბიძამ, ავთანდილ ხოფერიამ.

ინფორმაციას "რუსთავი 2" ავრცელებს.

ცნობისთვის, 15 ნოემბერს, დაახლოებით 03.30 საათზე, N2 პენიტენციურ დაწესებულებაში 1993 წელს დაბადებულმა მსჯავრდებულმა ემილ ხოფერიამ საკნის საპირფარეშოში თვითნაკეთი თოკის გამოყენებით თავი მოიკლა. 

ავტორი: ,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს