ომბუდსმენი: საქართველოს თითოეულ მოქალაქეს აქვს უფლება, გაშალოს კარავი

2018-11-10 21:40:41, 1515 ნახვა

საზოგადოება

რუსთაველის გამზირზე, სადაც შვილმოკლული მამების მხარდამჭერი აქცია მიმდინარეობს, სახალხო დამცველი ნინო ლომჯარია მივიდა.

როგორც ლომჯარიამ ჟურნალისტებს განუცხადა, ნებისმიერი მცდელობა, მოქალაქეებს ჩამოართვან კარვები, არის კანონდარღვევა.

„საქართველოს თითოეულ მოქალაქეს აქვს უფლება, გაშალოს კარავი იქ, პროტესტის ნიშნად, სადაც ის ჩათვლის საჭიროდ, თუ ის არ არღვევს კანონით დადგენილ ფარგლებს. ამ შემთხვევაში, პარლამენტის წინ კარვების გაშლა, როდესაც ის არ უშლის ხელს ტრანსპორტის გადაადგილებას და ხელოვნურ დაბრკოლებებს არ ქმნის ან რომელიმე უწყების ფუნქციონირებას არ უშლის ხელს, არის სრულიად გამართლებული,“ - განაცხადა ნინო ლომჯარიამ.

ომბუდსმენის თქმით, ეს არ არის პირველი შემთხვევა, როდესაც აქციის მონაწილეებს კარვების გაშლის უფლება შეეზღუდათ .

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები