ტყიბულში, მინდელის სახელობის შახტაში ქართველი და უცხოელი ექსპერტებისგან შემდგარმა ოთხკაციანმა ჯგუფმა მუშაობა დაიწყო.

ჯანდაცვის სამინისტროს შრომის ინსპექციის წარმომადგენლები ექსპერტებთან ერთად შახტაში არსებულ ვითარებას შეისწავლიან.

როგორც ექსპერტებმა აღნიშნეს, სამუშაო პროცესი 5 კვირის განმავლობაში გაგრძელდება და დასკვნა ამ დროისთვის იქნება ცნობილი. ექსპერტები დოკუმენტაციას შეისწავლიან, ასევე, უბედური შემთხვევის ადგილს და მთლიანად შახტს დაათვალიერებენ.

კომპანია "საქნახშირის" დირექტორის ჯამბულ ჯაყელის განცხადებით, თანამშრომლობისთვის და ყველა საჭირო დოკუმენტაციის მიწოდებისთვის მზად არიან. ჯამბულ ჯაყელი ვარაუდობს, რომ დასკვნის დადების შემდეგ სამუშაო პროცესი დეკემბრის შუა რიცხვებიდან განახლდება. მანამდე კი სახელფასო ანაზღაურებას სახელმწიფო უზრუნველყოფს.

შახტაში არსებულ ვითარებას გერმანული კომპანია "დიემტი" და ქართული კომპანია "საფკო" შეისწავლიან.

ინფორმაციას "იმედი" ავრცელებს. 

ავტორი: ,

სოციალური ქსელები

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ

დონალდ ტრამპის შესახებ ახალი წიგნი, გამოსვლიდან პირველივე კვირაში ბესტსელერი გახდა

მოსკოვის ყველა აეროპორტში ფრენების ჩამოსვლასა და გამგზავრებაზე შეზღუდვებია დაწესებული