საქართველოს პრემიერ–მინისტრ ირაკლი ღარიბაშვილის  ბაქოში ვიტი გრძელდება. მთავრობის მეთაური  დღეს  „ბაქო 2015 - პირველი ევროპული თამაშების“ გახსნასთან დაკავშირებულ მიღებას დაესწრო, რომელიც  რესპუბლიკის პრეზიდენტის, ილჰამ ალიევის  სახელით გაიმართა. 
ირაკლი ღარიბაშვილთან ერთად, მიღებაზე იმყოფებოდნენ  მსოფლიო ლიდერები, მათ შორის:  მონაკოს პრინცი, თურქეთის პრეზიდენტი, ტაჯიკეთის პრეზიდენტი, მონტენეგროს პრეზიდენტი, ბულგარეთის პრემიერ–მინისტრი.
„ბაქო 2015 - პირველი ევროპული თამაშები" დღეს ოფიციალურად გაიხსნება. ოლიმპიადაში, სპორტის 20 სახეობის 253 დისციპლინაში 50 ქვეყნის 6 ათასზე მეტი სპორტსმენი მიიღებს მონაწილეობას. აზერბაიჯანში 104 ქართველი ათლეტი სპორტის 17 სახეობაში იასპარეზებს.
ოლიმპიადის გახსნას საქართველოს პრემიერ–მინისტრი შვილებთან და საქართველოს დელეგაციის წევრებთან ერთად დაესწრება. 
საქართველოს დელეგაციის შემადგენლობაში იმყოფებიან: ვიცე-პრემიერი, ეკონომიკის მინისტრი გიორგი კვირიკაშვილი, ენერგეტიკის მინისტრი კახა კალაძე, სპორტისა და ახალგაზრდობის საქმეთა მინისტრი ტარიელ ხეჩიკაშვილი და სახელმწიფო რწმუნებული ქვემო ქართლის რეგიონში პაატა ხიზანაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს