პრემიერი გორსა და ქედაში მომხდარ ფაქტებზე - ტრაგედიები არ უნდა ხდებოდეს, დამნაშავეები აგებენ პასუხს

2018-11-02 15:14:28, 903 ნახვა

საზოგადოება

პრემიერ-მინისტრი, მამუკა ბახტაძე, მთავრობის სხდომის დაწყებამდე, რამდენიმე დღის წინ, გორში მომხდარ 8 წლის ბავშვის მკვლელობის საკითხს გამოეხმაურა.

როგორც პრემიერმა აღნიშნა, დამნაშავე მთელი სიმკაცრით აგებს პასუხს.

„რამდენიმე დღის წინ, მთელი საქართველო შეძრა უმძიმესმა ფაქტმა, როდესაც გორში 8 წლის ბავშვი გახდა შემზარავი ძალადობის მსხვერპლი. დამნაშავე მთელი სიმკაცრით აგებს პასუხს“, - განაცხადა ბახტაძემ.

ამასთან, მამუკა ბახტაძემ, მწუხარება გამოვთქვა ტრაგედიაზე, რომელიც ქედაში, სოფელ დოლოგანში დატრიალდა.

„გამოძიება ინტენსიურად მიმდინარეობს, დაკავებულია 3 პირი. თუ დადგინდა, რომ დარღვეულია უსაფრთხოების წესები, ყველა მათგანი უმკაცრესად აგებს პასუხს კანონის წინაშე.

გულწრფელ სამძიმარს ვუცხადებ ბავშვების ოჯახებს და მათ ახლობლებს. ასეთი შემზარავი ტრაგედიები არ უნდა ხდებოდეს“, - განაცხადა პრემიერმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები