თავდაცვის მინისტრის თინა ხიდაშელის განცხადებით, მისი უწყების დისკრედიტაციის მცდელობა ხდება.

ამის შესახებ მან „მაესტროს 9–იანში“ ლეიტენანტ დავით ნემსაძესა და გენერალ ვლადიმერ ჩაჩიბაიას შორის დაწყებულ დაპირისპირების საკითხის კომენტირებისას აღნიშნა.

მინისტრის თქმით, მას ამ დაპირისპირების შესახებ ინფორმაცია  აქვს და საქმის მოკვლევა სამხედრო პოლიციის უფროსს დაავალა.

„მე ვიცი ამ ამბის შესახებ, მთელი დღის განმავლობაში მედიას და „ფეისბუქს“ თვალს ვადევნებდი.  მე ვესაუბრე სამხედრო პოლიციის უფროსს და ვთხოვე, ამ საქმის მოკვლევა დაიწყონ მოკვლევა.  ეს რამდენიმე კომპონენტისგან შედგება და ყველაფერი უნდა გაირკვეს. მე არ ვიცი, ვინ, სად, რისთვის იბრძვის, „ნაციონალების“ გამოსავლენად. ჩემთან არავინ არ მოსულა და მსგავსი ტიპის პრეტენზიები არ წამოუყენებია. რთულად შემიძლია წარმოვიდგინო ადამიანი, რომელიც ვერ მოახერხებდა ამ თემებზე ჩემთან გასაუბრებას, სანამ საჯარო ისტერიას მოაწყობდა. მე გავეცანი ინკოგნიტო „ფეისბუქის“  გვერდს და ჩემი ინტერესის საგანია მისი ავტორი, რადგან აქ არის სრულიად მიზანმიმართული კამპანია თავდაცვის სამინისტროს დისკრედიტაციისთვის, ყველაფერი რაც იქ წერია ან უნდა დადასტურდეს, რომ სიმართლეა, ან ასეთი ტიპის დისკრედიტაციას პასუხი უნდა გაეცეს“, – აღნიშნა ხიდაშელმა.

ხიდაშელის განცხადებით, მისი, როგორც თავდაცვის მინისტრის ამოცანაა, უწყების, გენშტაბის, რომელიმე გენერლის დისკრედიტაცია არ დაუშვას.

„ ჩემი ამოცანაა, არ დავუშვა დისკრედიტაცია ადამიანების, რომლებსაც ძალიან დიდი წვლილი მიუძღვით ჩვენს ქვეყანაში თავდაცვის მშენებლობაში. გენერალი ჩაჩიაბა სწორედ ერთ–ერთი ასეთია, ადამიანი, რომელსაც ერთ–ერთი დიდი დამსახურება აქვს თუ კი რამე წარმატებაზე ვსაუბრობთ ნატო–სკენ მიმავალ გზაზე“, – განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს