"მომსახურების ხარისხი არ დაეცემა, თუმცა  წელს მცხეთის იუსტიციის სახლის იდეას დავემშვიდობებით ",-ამის შესახებ საქართველოს იუსტიციის მინისტრმა თეა წულუკიანმა მთავრობის სხდომის დასრულების შემდეგ ჟურნალისტებს განუცხადა.

როგორც ცნობილია, იუსტიციის სამინისტროს შემთხვევაში, თანხების  შემცირება  ინფრასტრუქტურული პროექტების ხარჯზე მოხდება. კერძოდ, მიმდინარე წელს   2 სოფლის სახლი აღარ აშენდება და საჯარო რეესტრს საკუთარი სათაო ოფისის მშენებლობის დაწყების ნაცვლად,  3 მილიონის ბიუჯეტისთვის  გადაცემა მოუწევს. გარდა ამისა,  იუსტიციის სამინისტრო ბიუჯეტში ასევე, გადარიცხავს მცხეთის  იუსტიციის სახლის თანხას, რომელიც ვეღარ აშენდება.

თეა წულუკიანის მტკიცებით, იუსტიციის სახლი და ყველა სოფლის სახლი მუშაობას კვლავ მაღალი ხარისხით გააგრძელებს.

"ის პროექტები, რაც ფუნქციონირებს  იუსტიციის სამინისტროს სისტემაში, ასეთივე მაღალი ხარისხით გააგრძელებს ყველა იუსტიციის სახლი და ყველა სოფლის სახლი მუშაობას, 4 სოფლის სახლი გაიხსნება ივნისში, 4 შემოდგომაზე, მაგრამ კიდევ ორი- მე-9 და მე-10 სოფლის სახლი გადავა მომავალი წლისთვის. ხარისხი მომსახურების არ დაეცემა, თუმცა ჩვენ დავემშვიდობებით წელს  მცხეთის იუსტიციის სახლის იდეას",-განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს