საქართველოს პრემიერ–მინისტრი ირაკლი ღარიბაშვილი 12 ივნისს, აზერბაიჯანის დედაქალაქში „ბაქო 2015- პირველი ევროპული თამაშების“ გახსნის ოფიციალურ ცერემონიას დაესწრება.

მთავრობის ადმინისტრაციის პრესსამსახურის ინფორმაციით, აზერბაიჯანში ვიზიტის ფარგლებში დაგეგმილია საქართველოს პრემიერ–მინისტრის პირისპირ შეხვედრა აზერბაიჯანის რესპუბლიკის პრეზიდენტ ილჰამ ალიევთან.  ირაკლი ღარიბაშვილი  დაესწრება აზერბაიჯანის რესპუბლიკის პრეზიდენტის სახელით გამართულ „ბაქო 2015 - პირველი ევროპული თამაშების” გახსნისადმი მიძღვნილ  ოფიციალურ  მიღებას.  პრემიერ–მინისტრი ასევე ეწვევა ოლიმპიურ სოფელს და შეხვდება საქართველოს ოლიმპიურ ნაკრებს.

ოლიმპიადაში სპორტის 20 სახეობის 253 დისციპლინაში 50 ქვეყნის 6 ათასზე მეტი სპორტსმენი მიიღებს მონაწილეობას. აზერბაიჯანში 105 ქართველი ათლეტი სპორტის 17 სახეობაში იასპარეზებს.

საქართველოს დელეგაცია, რომლის შემადგენლობაში შედიან: ვიცე–პრემიერი, ეკონომიკისა და მდგრადი განვითარების მინისტრი გიორგი კვირიკაშვილი, ვიცე–პრემიერი, ენერგეტიკის მინისტრი კახა კალაძე, სპორტის და ახალგაზრდობის საქმეთა მინისტრი ტარიელ ხეჩიკაშვილი, სახელმწიფო რწმუნებული ქვემო ქართლის რეგიონში პაატა ხიზანიშვილი,– აზერბაიჯანის დედაქალაქს 11 ივნისს ეწვევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს