საქართველოს უსინათლოთა კავშირის კულტურის ცენტრმა საქართველოს ეროვნულ არქივს დღეს აუდიოწიგნების არქივი გადასცა.  

1600-ზე მეტ მაგნიტურ ფირსა და 5800-ზე მეტ აუდიოკასეტაზე 1950-80-იან წლებში ჩაწერილია ქართველი და უცხოელი ავტორების 1000-ზე მეტი ნაწარმოები, ასევე ზღაპრები და სიმღერები.

ჩანაწერებს შორისაა: მიხეილ ჯავახიშვილის „თეთრი საყელო"; ვასილ ბარნოვის „ტრფობა წამებული"; ჭაბუა ამირეჯიბის „დათა თუთაშხია"; ნოდარ დუმბაძის „თეთრი ბაირაღები"; თამაზ ჭეიშვილის „ხუთი ოლიმპიელი"; ონორე დე ბალზაკის „გამქრალი ოცნებანი", რადიარდ კიპლინგის „მაუგლი" და სხვა. ტექსტებს კითხულობენ ცნობილი მსახიობები და დიქტორები: გიზო სიხარულიძე, ზაზა ლებანიძე, გივი ჩუგუაშვილი, დავით დვალიშვილი, იზა დავითაშვილი, გოგი ხარაბაძე, ჯემალ მონიავა, ლეო ანთაძე, თინა  მგალობლიშვილი, და სხვები.

აუდიოწიგნები ეროვნულ არქივს უსინათლოთა კავშირის კულტურის ცენტრის დირექტორმა  ცირა ვეფხვაძემ პირადად გადასცა. მისი თქმით, ჩანაწერებს ამ ფორმატში მკითხველი ვეღარ იყენებს. ეროვნულ არქივისათვის მისი გადაცემა ემსახურება ორ მიზანს - აუდიოკასეტები და ფირები ელექტრონულ მატარებელზე იქნება გადატანილი და გამარტივდება მისი მოსმენა, ამასთან, ორიგინალები დაცული იქნება აუდიოდოკუმენტების საცავში, სათანადო პირობებში.

საქართველოს ეროვნული არქივის  კინოფოტოფონო დოკუმენტების ცენტრალური არქივის დირექტორის გიორგი კაკაბაძის ინფორმაციით, მას შემდეგ, რაც აუდიოჩანაწერების დედნები დამუშავდება საარქივო წესით, გადაინაცვლებს  საცავში, დამზადდება მათი ციფრული ვერსია და მსმენელისთვის ხელმისაწვდომი გახდება ონლაინ სივრცეში.

(NS)

ავტორი: ,

სოციალური ქსელები

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში

ახალი კონფლიქტი: ვარშავამ კიევი ისტორიულ პროვოკაციაში დაადანაშაულა