2018-10-03 19:08:14, 1906 ნახვა

---

მერაბიშვილის ჯანმრთელობასთან დაკავშირებით დაგეგმილ კონსილიუმს ოჯახის მიერ მიწვეული მედიკოსები დაესწრებიან

კლინიკა "მედიქლაბ ჯორჯიაში", სადაც ყოფილი პრემიერ-მინისტრი ვანო მერაბიშვილია გადაყვანილი, მის ჯანმრთელობასთან დაკავშირებით ექიმების კონსილიუმი იმართება.

კონსილიუმში მონაწილეობას მერაბიშვილის ოჯახის მიერ მოწვეული მედიკოსებიც იღებენ. კერძოდ, კონსილიუმში მონაწილეობენ ონკოქირურგი, ნეიროქირურგი და თერაპევტი. მოწვეული სპეციალისტები ყოფილი მინისტრისთვის ჩატარებული კვლევების პასუხს გაეცნობიან. 

მერაბიშვილის ადვოკატები იმედოვნებენ, რომ ყოფილ შს მინისტრს დიაგნოზს დღეს მაინც დაუსვამენ.

„შეგვიძლია, ვთქვათ, რომ ამ ადამიანს ორი თვის განმავლობაში მკურნალობა არ უტარდება, იმიტომ, რომ არ ვიცით, რა სჭირს მას. ძალიან ბევრი კითხვის ნიშანი გვაქვს, ვინაიდან ორი ვის განმავლობაში ეს უკვე მე-5 კლინიკაა, აქამდე ჯერ დიაგნოზი ვერ დასვეს. არაფერს გამოვრიცხავ, არც იმას, რომ დიაგნოზი დღესაც ვერ დასვან, მაგრამ ვიმედოვნებთ, რომ დასვამენ“,- განაცხადა ადვოკატმა, გიორგი ჩივიაშვილმა.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი