თბილისში კლიმატის ცვლილებისადმი მიძღვნილი კონფერენცია სახელწოდებით „ღია დიალოგი კლიმატის ცვლილების ეროვნული პოლიტიკის შემუშავების შესახებ -  „ეროვნულ დონეზე განსაზღვრული წვლილის“ (NDC) პროცესის ინიცირება“ გაიმართა, რომელიც გერმანიის საერთაშორისო თანამშრომლობის საზოგადოებისა (GIZ) და საქართველოს გარემოს დაცვისა და სოფლის მეურნეობის სამინისტროს მიერ იყო ორგანიზებული.

ეკონომიკისა და მდგრადი განვითარების სამინისტროს ინფორმაციით, კონფერენციაზე მთავარი აქცენტი გაკეთდა საქართველოში გაეროს კლიმატის ცვლილების ჩარჩო კონვენციის ფარგლებში მიღებული „პარიზის შეთანხმებით“ ნაკისრი ვალდებულების შესრულების საკითხზე.

ეკონომიკის მინისტრის მოადგილემ ირმა ქავთარაძემ მონაწილეობა მიიღო მაღალი დონის პანელში „კლიმატის ცვლილების პოლიტიკის კავშირი სხვა ეროვნულ სტრატეგიებთან“. მან ისაუბრა საქართველოში მწვანე ეკონომიკის პოლიტიკის შემუშავების მნიშვნელობაზე, ენერგოეფექტურობისა და მწვანე ზრდის წახალისების მიზნით სამინისტროში მიმდინარე პროექტებსა და ინიციატივებზე. მინისტრის მოადგილემ განსაკუთრებული აქცენტი გააკეთა ამ პროცესებში უწყებათაშორისი თანამშრომლობის მნიშვნელობაზე, სამოქალაქო საზოგადოებისა და საერთაშორისო ორგანიზაციების ჩართულობასა და მხარდაჭერაზე.

როგორც ირმა ქავთარაძემ აღნიშნა, ვინაიდან „ეროვნულ დონეზე განსაზღვრული წვლილის“ დოკუმენტი გულისხმობს ეკონომიკის ყველა ძირითადი სექტორის მდგრად და კლიმატგონივრულ განვითარებას, დიდი მნიშვნელობა ენიჭება აღნიშნულ პროცესებში როგორც ენერგეტიკისა და სამშენებლო სექტორების, ასევე მწვანე ეკონომიკის პრიორიტეტებისა და გრძელვადიანი ხედვების გათვალისწინებას, რათა მოხდეს ჩვენს ხელთ არსებული რესურსების მაქსიმალურად ეფექტურად ათვისება და საერთო მიზნების გამოკვეთა.   

ღონისძიებაში მონაწილეობდნენ ცენტრალური და ადგილობრივი ხელისუფლების წარმომადგენლები, არასამთავრობო ორგანიზაციები, საერთაშორისო პარტნიორები და დამოუკიდებელი ექსპერტები.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს