„პრობაციის სამსახურის უფროსის საქმეში არსებობს ნიშნები, რომ თვითმკვლელობას ჰქონდა ადგილი“,-ამის შესახებ მთავარი პროკურორის პირველმა მოადგილემ ირაკლი შოთაძემ გადაცემა „რეაქციაში“ განაცხადა.

როგორც შოთაძემ აღნიშნა, თვითმკვლელობის მიზეზებზე და მოტივებზე საუბარი მას შემდეგ გახდება შესაძლებელი, რაც გადაუდებელი საგამოძიებო ღონისძიებები ჩატარდება.

„მინდა ამ ტრაგიკულ შემთხვევასთან დაკავშირებით ოჯახს მივუსამძიმრო. ჯერ ძალიან ადრეა იმაზე საუბარი, კონკრეტულად რა იყო და რა შემთხვევასთან გვაქვს საქმე, თუმცა პოლიციაში შესული შეტყობინებიდან გამომდინარე, გამოძიება თვითმკვლელობამდე მიყვანის ფაქტზე დაიწყო. შესაბამისად, ნიშნები არსებობს, რომ ადგილი ჰქონდა თვითმკვლელობას“, - განაცხადა ირაკლი შოთაძემ.

ცნობისთვის, თბილისის პრობაციის სამსახურის  ხელმძღვანელმა ბესიკ ცხადაძემ ცეცხლსასროლი იარაღით თავის არეში გუშინ ჭრილობა მიიყენა. ექიმებმა მისი გადარჩენა ვერ  შეძლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვინ იყო დოლი პარტონი, ბიოგრაფია და ცნობილი ადამიანების გამოხმაურებები

მსოფლიოში უდიდესმა კონტეინერმზიდმა კომპანიამ რუსეთის შავი ზღვის პორტები დატოვა - Bloomberg

Bloomberg: პუტინი უკრაინაში ესკალაციისთვის ემზადება და შესაძლოა, ტაქტიკურ ბირთვულ იარაღს მიმართოს

ლუკაშენკომ ჯარების მზადყოფნის მოულოდნელი შემოწმების შესახებ განაცხადა CIA-ს ხელმძღვანელის პუტინთან ვიზიტის პარალელურად