ბარნოვის ქუჩაზე 25 წლის თამარ გამრეკელაშვილის მკვლელობაში ბრალდებულის შვილი, ლიკა ბაქრაძე აცხადებს, რომ მამამისმა მკვლელობა აფექტურ მდგომარეობაში ჩაიდინა.

ამასთან, იგი მიიჩნევს, რომ ვეფხია ბაქრაძისთვის წარდგენილ ბრალდებაში ბევრი შეუსაბამობაა.

 „ბევრი ისეთი ბრალი წაუყენეს, რომ ეს არის სრული სისულელე და ბევრი შეუსაბამო ფაქტებია, ერთი ის ვიცი, რომ მამაჩემი მკვლელობის დროს მამაჩემი არ ყოფილა, ის იყო მაგ დროს სულ სხვა ადამიანი და აფექტურ მდგომარეობაში და ჩემთვის ეს არის ორმაგი ტკივილი, ის არის ჩემთვის მეგობარზე, დაქალზე მეტი და ძაან კარგი ურთიერთობა მაქვს, ვინმეს თუ ჰგონია, რომ მე ამით მამაჩემს ვამართლებ, სისულელეა“, - გაანცხადა ლიკა ბაქრაძემ.

შეგახსენებთ, რომ  13 აპრილს, ბარნოვის ქუჩაზე 25 წლის ქალს, მცირეწლოვანი შვილების თანდასწრებით ყელი გამოჭრეს, რის შედეგადაც ის ადგილზე გარდაიცვალა. მომხდართან დაკავშირებით, შსს-მ 14 აპრილს, მოკლულის მამინაცვალი, ვეფხია ბაქრაძე დააკავა. ბაქრაძეს ბრალდება  სისხლის სამართლის კოდექსის 111-109-ე მუხლის მესამე ნაწილის „ბ" ქვეპუნქტით (ოჯახის ერთი წევრის მიერ ოჯახის მეორე წევრის განზრახ მკვლელობა ჩადენილი განსაკუთრებული სისასტიკით) აქვს წარდგენილი, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე