საზმაუს თანამშრომლების ნაწილი ვასილ მაღლაფერიძის გადადგომას და ივანიშვილთან შეხვედრას ითხოვს

2018-09-04 18:54:17, 1321 ნახვა

საზოგადოება

საზოგადოებრივი მაუწყებლის თანამშრომლების ნაწილი, ტელეკომპანიის გენერალური დირექტორის ვასილ მაღლაფერიძის გადადგომას ითხოვს.

რეორგანიზაციასთან დაკავშირებით დღეს თანამშრომლები მაუწყებლის მენეჯმენტს შეხვდნენ, თუმცა შეხვედრა უშედეგოდ დასრულდა.

როგორც ჟურნალისტმა ნინო ზაუტაშვილმა აღნიშნა, ისინი პრემიერ-მინისტრთან და "ქართული ოცნების" თავმჯდომარე ბიძინა ივანიშვილთან შეხვედრას ითხოვენ.

"ვითხოვთ შეხვედრას ბიძინა ივანიშვილთან, რადგან მის სახელთან ძალიან ასოცირდება ეს ადამიანი, ეს მისივე დამსახურებით, სხვათა შორის. ამიტომ ჩვენ ვთხოვთ პირადად მას, როგორც მოქალაქეს, ჩაერთოს ამ პროცესებში იმიტომ, რომ საზოგადოებრივ მაუწყებელზეტრიალებს ნამდვილად ძალიან მძიმე პროცესები, რაც აუცილებლად გამოიწვევს ძალიან დიდ უკმაყოფილებას საზოგადოებაში. ერთ-ერთი მოთხოვნა აუცილებლად იქნება გენერალური დირექტორის გადადგომა იმიტომ, რომ ის ვერ მართავს პროცესებს,“ - განაცხადა ზაუტაშვილმა.

ცნობისთვის, ახალი შეთანხმება საზოგადოებრივი მაუწყებლის 150-მდე თანამშრომლისთვის საათობრივ ანაზღაურებას ითვალისწინებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები