კომპანია „ყაზტრანსგაზ - თბილისი“ ბეჭდურ ქვითრებს ელექტრონულით ჩაანაცვლებს.

როგორც კომპანიის მიერ გავრცელებულ განცხადებაშია ნათქვამი, საქართველოს ენერგეტიკისა და წყალმომარაგების მარეგულირებელი ეროვნული კომისიის 2009 წლის დადგენილებით, კომპანია ბეჭდური ქვითრების პარალელურად, ტექსტურ სატელეფონო შეტყობინებებსაც იყენებდა. კომპანიის ხელმძღვანელობის გადაწყვეტილებით, ბეჭდური ქვითრები სრულად ჩანაცვლდება ელექტრონულით. გადაწყვეტილება ძალაში 3 სექტემბრიდან შედის.

ელექტრონულ ქვითრებზე გადასვლის შესაძლებლობა „ყაზტრანსგაზ - თბილისის“ ყველა აბონენტს ექნება. ამისათვის საჭიროა აბონენტების წერილობითი თანხმობა. პირველ ეტაპზე, ელექტრონული ქვითრების მომსახურებით მხოლოდ ის აბონენტები ისრგებლებენ, ვინც მსგავს მომსახურებაზე წერილობითი თანხმობა განაცხადა. თანხმობის შემთხვევაში, მომხმარებლები ქვითარს როგორც სმს-ით, ასევე ელექტრონულ ფოსტაზე მიიღებენ.

ამ ეტაპზე, ელექტრონული ქვითრებით, აბონენტების თანხმობით, დედაქალაქში 100 ათასამდე აბონენტი ისარგებლებს. კომპანია მსგავსი ფორმით მომსახურებაზე სრულად გადასვლას წლის ბოლომდე გეგმავს.

„მომსახურების ხარისხის გაუმჯობესებასთან ერთად, მსგავსი მომსახურებით, დიდი ოპდენობით ქაღალდი დაიზოგება და ეს გადაწყვეტილება ეკოლოგიის მხრივაც ძალიან მნიშვნელოვანია“, - წერია კომპანიის განცხადებაში.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს