თბილისის საქალაქო სასამართლოს ყოფილი თავმჯდომარე, მამუკა ახვლედიანი პრეზიდენტს უზენაესი სასამართლოს თავმჯდომარის პოსტზე საკუთარ კანდიდატურას სთავაზობს.

ახვლედიანმა facebook-ის საკუთარ გვერდზე  ღია წერილი გამოაქვეყნა, სადაც სასამართლო სისტემის დამოუკიდებლობის მისეული ხედვაა აღწერილი.

„კომპეტენცია, კეთილსინდისიერება, დამოუკიდებლობა, სამართლიანობა, მაღალი პირადი და პროფესიული რეპუტაცია, ზეგავლენის მიმართ მაღალი მედეგობა, პიროვნული სიმტკიცე და შეუვალობა - არის რიგითი მოსამართლის არჩევის კანონისმიერი მოთხოვნა, რასაც ჩემი ღრმა რწმენით აკმაყოფილებს მოსამართლეთა კორპუსის დიდი უმრავლესობა. აღნიშნული გარემოება არის ის ძირითადი რესურსი და გარანტი, რომლის საფუძველზეც, არსებული სერიოზული საკანონმდებლო ხარვეზების მიუხედავად, სწორი, მიზანმიმართული, ბოლომდე გააზრებული ადმინისტრაციული ალგორითმების მეშვეობით სრულიად შესაძლებელია სასამართლო სისტემაში ფეხმოკიდებული მანკიერი კლანური მმართველობის მოშლა და ვერტიკალური და ჰორიზონტალური პასუხისმგებლობისა და უფლება-მოვალეობების გონივრული, სამართლიანი, შედეგიანი და მკაფიოდ გამჭვირვალე ფუნქციური გადანაწილება. სწორედ ამ ურყევი რწმენისა და პოზიტიური პირადი გამოცდილების საფუძველზე ვაყენებ საკუთარ კანდიდატურას უზენაესი სასამართლოს თავმჯდომარის შესარჩევი საკონსულტაციო პროცესის მონაწილედ და მზად ვარ, ფართო საზოგადოებას წარვუდგინო სასამართლო სისტემის კონცეპტუალური და სისტემური რეფორმირების ეფექტური გეგმა“, - წერს მამუკა ახვლედიანი.

შეგახსენებთ, რომ გიორგი მარგველაშვილი უზენაესი სასამართლოს თავმჯდომარეობის კანდიდატის წარდგენას აღარ აპირებს.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს