ხადას ხეობაში მომხდარ სასტიკ მკვლელობაში ბრალდებულ მალხაზ კობაურს, საკანში კითხავენ.

ბრალდებულის ადვოკატის, დავით გირგვლიანის განცხადებით, კობაური გამოძიებას იმ ორი ადამინის გარეგნულ მახასიათებლებს გააცნობს, რომლებმაც მისი მტკიცებით, მკვლელობა ჩაიდინეს.

„ჩვენ მივცემთ სრულ ჩვენებას იმასთან დაკავშირებით, თუ როგორ მოვიდნენ ადამიანები ხადას ხეობაში, როგორ გამოიყურებოდნენ, როგორ განვითარდა მოვლენები, შესაბამისად, ჩემი დაცვის ქვეშ მყოფი მზად არის ითანამშრომლოს გამოძიებასთან იმ მხრივ, რომ მან როგორც მოწმემ და არა ბრალდებულმა, რაც დაინახა, ყველაფერი გადასცეს საგამოძიებო ორგანოს. ეს ადამიანი არ არის წინააღმდეგი, რომ შექმნას ფოტორობოტი, მისი მხრიდან ჩემთვის ნათქვამი, იმ აღწერილობიდან გამომდინარე, როგორც მან  ეს ორი ადამიანი აღწერა სრულიად შესაძლებელია ფოტორობოტის შექმანა“, -აღნიშნა ადვოკატმა.

შეგახსენებთ, 6 ივლისს ხადას ხეობაში საქართველოსა და ამერიკის ორმაგი მოქალაქეობის მქონე 2 პირი და მათი 4 წლის შვილი გაუჩინარდა. ინტენსიური სამძებრო სამუშაოების შედეგად, 1976 წელს დაბადებული ლ.ს. ხევში, ჩანჩქერის პირას იმავე დღეს იპოვეს, 7 ივლისს კი, ხევში მდებარე ჩანჩქერის მიმდებარე ტერიტორიაზე 1975 წელს დაბადებული რ.ს.-ს ცხედარი აღმოაჩინეს. რაც შეეხება მცირეწლოვანს, შსს-ს ცნობით, ბავშვის ცხედარი საქმეზე დაკავებულ პირთან საგამოძიებო ექსპერიმენტის ჩატარების შედეგად აღმოაჩინეს.

„გამოძიებით დადგინდა, რომ მიმდინარე წლის 4 ივლისს, ხადას ხეობაში მდებარე ერთ-ერთი ჩანჩქერის მიმდებარე ტერიტორიაზე, ურთიერთშელაპარაკებისას მ.კ.-მ სანადირო თოფიდან გასროლით სასიკვდილო ჭრილობები მიაყენა რ.ს.-ს და მის შვილს. ხოლო ლ. ს. შემთხვევის ადგილიდან გაქცევის მცდელობისას ხევში გადავარდა და გარდაიცვალა.

დაკავებულმა მოკლული მამაკაცი შემთხვევის ადგილას დატოვა, ხოლო მცირეწლოვნის ცხედარი ზვავში დამალა“, - ნათქვამია შსს-ს ინფორმაციაში.

სასამართლომ 11 ივლისს სმიტების ოჯახის მკვლელობაში ბრალდებულს პატიმრობა შეუფარდა.

ავტორი: ,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად