2020-01-25 05:02:59, 1868 ნახვა
მსოფლიო
თურქეთში, მიწისძვრის შედეგად 18 ადამიანი დაიღუპა, 550 კი, დაშავდა
ბოლო ინფორმაციით, თურქეთში, ძლიერი მიწისძვრის შედეგად დაღუპულთა რიცხვი 18-მდე გაიზარდა, 550 ადამიანი კი, დაშავდა.
ინფორმაციას ამის შესახებ „ბიბისის“ თურქულენოვანი ბიურო ავრცელებს.
ყველაზე მეტად დაზარალდა ელაზიღისა და მალათიის პროვინციები. დანგრეულია ათეულობით შენობა.
როგორც ცნობილია, ორი ადამიანი სტიქიის დროს გულის შეტევით გარდაიცვალა.
კრიზისების მართვის ცენტრში გამართულ პრესკონფერენციაზე, თურქეთის მთავრობის მთავრობის განცხადებით, აღმოსავლეთ ნაწილში მომხდარი მიწისძვრის სიმძლავრე 6,8 მაგნიტუდა იყო, რასაც მოჰყვა 97 განმეორებითი ბიძგი.
სტიქიური ზონაში მუშაობენ მაშველები და ჰუმანიტარული ორგანიზაციების წარმომადგენლები.
ავტორი: ექსპრესნიუსი,
epn.ge (@expressnews.ge)
