რუსეთის პრეზიდენტი ვლადიმერ პუტინი სოჭში თავის სირიელ კოლეგას, ბაშარ ასადს შეხვდა.

პუტინის პრესსამსახურის ცნობით, ასადი სოჭში სამუშაო ვიზიტით ჩავიდა. მხარეებმა სირიის კრიზისის დარეგულირების საკითხზე იმსჯელეს.

კრემლის ინფორმაციით, შეხვედრის დასაწყისში რუსეთის პრეზიდენტმა ასადს ტერორისტული დაჯგუფებების წინააღმდეგ ბრძოლაში სირიის სამთავრობო არმიის წარმატებები მიულოცა.

„ახლა, ამ სამხედრო წარმატების შემდეგ, უდავოდ, შეიქმნა დამატებითი პირობები სრულფასოვანი პოლიტიკური პროცესის განახლებისთვის", - განაცხადა პუტინმა.

თავის მხრივ, სირიის პრეზიდენტმა რუს კოლეგას ახალი საპრეზიდენტო ვადით არჩევა მიულოცა. მან ხაზი გაუსვა, რომ პუტინთან ბოლო შეხვედრის შემდეგ ბევრი დადებითი ცვლილება მოხდა.

ასადის განმარტებით, სირიაში ვითარება შედარებით გაუმჯობესდა, თუმცა მანვე აღნიშნა, რომ კონფლიქტის მოგვარება რთულია.

სირიის ლიდერი პუტინს სოჭში გასული წლის 21 ნოემბერსაც შეხვდა.

ავტორი: ,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს