ბრიტანეთის პრემიერ-მინისტრი ტერეზა მეი, ღაზას საზღვართან მომხდარ ძალადობას „ტრაგიკულსა და შემაშფოთებელს“ უწოდებს.

ამის შესახებ მან რეჯეფ თაიფ ერდოღანთან ერთად გამართულ პრესკონფერენციაზე ისაუბრა.

მისი თქმით, ის ფაქტი, რომ ისრაელის შენაერთებმა ათობით პალესტინელი დახოცეს, დამოუკიდებელ და გამჭვირვალე გამოძიებას საჭიროებს, რომელმაც დაუყოვნებლივ უნდა დაიწყოს.

"მინდა გამოვეხმაურო ღაზაში განვითარებულ მოვლენებს, ის რაც ვნახეთ, ტრაგიკული და შემაშფოთებელია. ორივე მხარეს მოვუწოდებთ სიმშვიდისკენ. აუცილებელია გამოიძიება იმისა, თუ რა მოხდა. პალესტინელებს პროტესტის უფლება აქვთ. მაგრამ ეს პროტესტი მშვიდობიანი უნდა იყოს. შეშფოთებულები ვართ ექსტრემიზმის ელემენტებით, რომელიც აქციისას შევამჩნიეთ, ისრაელს კი საზღვრების დაცვის უფლება აქვს. ყველას ინტერესებშია მშვიდობა და სტაბილურობა“,- განაცხადა მეიმ.

ერდოღანმა კი, რომელიც ბრიტანეთში სამდღიანი ვიზიტით იმყოფება, ყველა პალესტინურ ოჯახს მიუსამძიმრა, რომლებმაც ღაზას საზღვართან მომხდარი დაპირისპირების შედეგად ახლობლები დაკარგეს.

შეგახსენებთ, რომ 14 მაისს იერუსალიმში აშშ-ის საელჩოს გახსნამდე რამდენიმე საათით ადრე ღაზას სექტორის საზღვართან ათასობით პალესტინელი შეიკრიბა. აშშ-ის საელჩოს თელ-ავივიდან იერუსალიმში გადატანის წინააღმდეგ საპროტესტო აქცია არეულობაში გადაიზარდა.

ისრაელის უსაფრთხოების ძალებმა პალესტინელებს ცეცხლი გაუხსნეს. პალესტინური ავტონომიის ჯანდაცვის სამინისტროს ცნობით, მოკლულია 58 ადამიანი, მათ შორის მოზარდები. დაშავებულთა რიცხვი 2 700-ს აღემატება, მათგან 130 ადამიანის მდგომარეობა კრიტიკულია.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება