თურქეთის პრეზიდენტი რეჯეფ თაიფ ერდოღანი ისრაელის სამხედრო ძალების გუშინდელ ქმედებას გენოციდად აფასებს.

ერდოღანმა ისრაელს „ტერორისტული სახელმწიფო“ უწოდა მას შემდეგ, რაც გუშინ ისრაელის შენაერთებმა ღაზას საზღვართან 58 პალესტინელი მოკლეს. 

„ის, რასაც ისრაელი აკეთებს, გენოციდია. არ აქვს მნიშვნელობა, რომელი მხრიდან ხდება ეს – ისრაელიდან თუ აშშ-დან. ვგმობ ამ ჰუმანიტარულ დრამას, ამ გენოციდს“, – განაცხადა ერდოღანმა.

ამასთან, თურქეთმა აშშ-დან და ისრაელიდან თავისი ელჩები კონსულტაციებისთვის გაიწვია. ამის შესახებ თურქეთის ვიცე-პრემიერმა ბექირ ბიზდაგმა განაცხადა.

ასევე, პალესტინელებთან სოლიდარობის ნიშნით თურქეთში სამდღიანი გლოვაა გამოცხადებული. 

შეგახსენებთ, რომ 14 მაისს იერუსალიმში აშშ-ის საელჩოს გახსნამდე რამდენიმე საათით ადრე ღაზას სექტორის საზღვართან ათასობით პალესტინელი შეიკრიბა. აშშ-ის საელჩოს თელ-ავივიდან იერუსალიმში გადატანის წინააღმდეგ საპროტესტო აქცია არეულობაში გადაიზარდა. 
ისრაელის უსაფრთხოების ძალებმა პალესტინელებს ცეცხლი გაუხსნეს. პალესტინური ავტონომიის ჯანდაცვის სამინისტროს ცნობით, მოკლულია 58 ადამიანი, მათ შორის მოზარდები. დაშავებულთა რიცხვი 2 700-ს აღემატება, მათგან 130 ადამიანის მდგომარეობა კრიტიკულია.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ