დიდი იმედი მაქვს, რომ ისტორიის ეს თავი დასრულდა და ყველამ მკაფიო გზავნილი მიიღო ჩვენგან, - ამის შესახებ ისრაელის თავდაცვის მინისტრმა ავიგდორ ლიბერმანმა ირანსა და ისრაელს შორის სარაკეტო დარტყმების ფაქტის კომენტირებისას განაცხადა.

მისი თქმით, ისრაელის სამხედრო ძალებმა გოლანის მაღლობებიდან განხორციელებული იერიშის შედეგად, სირიის ტერიტორიაზე განლაგებული თითქმის ყველა ირანული სამხედრო ბაზა გაანადგურეს.

„ხაზგასმით მინდა აღვნიშნო, რომ ისრაელის თავდაცვის სამინისტროს მიზანი სირიაში შექმნილი ვითარების ესკალაცია არ არის, თუმცა ირანის მხრიდან პროვოკაციულ ქმედებებს არ შევეგუებით. დიდი იმედი მაქვს, რომ ისტორიის ეს თავი დასრულდა და ყველამ მკაფიო გზავნილი მიიღო ჩვენგან“,- აღნიშნა ლიბერმანმა.

ასევე, მინისტრმა აღნიშნა, რომ საუბარი გამანადგურებელ გამარჯვებაზე არ არის.

„გვესმის, რომ საქმე გვაქვს უდრეკ მოწინააღმდეგესთან, რომელიც ათწლეულების მანძილზე ცდილობს ჩვენზე დარტყმები განახორციელოს და ჩვენ მზად ვართ ნებისმიერი სცენარისთვის. ისრაელი ირანს არ მისცემს იმის საშუალებას, რომ სირია ჩვენზე თავდასხმებისთვის ფორპოსტად აქციოს“, - განაცხადა ლიბერმანმა.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ