2018-05-07 10:38:50, 2049 ნახვა
მსოფლიო
პაკისტანის შს მინისტრი დაჭრეს
პაკისტანის შინაგან საქმეთა მინისტრი აჰსან იქბალი დაჭრეს.
ადგილობრივი მედიის ცნობით, თავდამსხმელი, სავარაუდოდ, მის მოკვლას ცდილობდა.
გავრცელებული ცნობით, მინისტრის ავტომობილს ცეცხლი 20-22 წლის პირმა ქალაქ ნაროვალში მიტინგის დროს გაუხსნა.
შედეგად იქბალი მხარში დაიჭრა. თავდამსხმელი დაკავებულია. დანაშაულის მოტივი ჯერჯერობით უცნობია.
შინაგან საქმეთა მინისტრის მოადგილე აცხადებს, რომ იქბალს ტყვია მხარში აქვს მოხვედრილი. მისი თქმით, მინისტრის სიცოცხლეს საფრთხე აღარ ემუქრება. ოფიციალური პირების განცხადებით, თავდამსხმელი მალევე დააკავეს.
აღსანიშნავია, რომ იქბალი მთავრობაში ერთ-ერთ ყველაზე გავლენიან ფიგურად მიიჩნევა.
![]()
ავტორი: ,
epn.ge (@expressnews.ge)
