ისრაელისთვის უკეთესი იქნება, თუ ირანს ადრე დაუპირისპირდება, ვიდრე გვიან, თუმცა ისრაელს არ სურს ესკალაცია, - ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა.

ბენიამინ ნეთანიაჰუმ ირანი სირიისთვის იარაღის მიწოდებაში დაადანაშაულა. მისი თქმით, ოფიციალური თეირანის ეს ქმედება საფრთხეს უქმნის ისრაელს.

„ჩვენ მზად ვართ, შევაჩეროთ ირანის აგრესია იმ შემთხვევაშიც კი, თუ ეს ბრძოლას ნიშნავს. სჯობს ახლა, ვიდრე გვიან. იმ ქვეყნებმა, რომლებიც დროულად არ იყვნენ მზად აგრესიაზე საპასუხო ქმედებებისთვის, შემდეგ უფრო დიდი საფასური გადაიხადეს. ჩვენ არ გვსურს ესკალაცია, მაგრამ ყველა სცენარისთვის მზად ვართ“, – განაცხადა ნეთანიაჰუმ.

ასევე, ისრაელის მთავრობა შეშფოთებას გამოთქვამს სირიაში ირანელი სამხედროების დისლოცირების გამო.ნეთანიაჰუმ გასულ კვირას ირანს მსოფლიოს მოტყუებაში დასდოს ბრალი. ისრაელის მთავრობის მეთაურმა განაცხადა, რომ ირანი წლების განმავლობაში უმალავდა მსოფლიოს ბირთვული იარაღის პროგრამას.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ