სომხეთში დეპუტატები პარლამენტის სხდომას ბოიკოტს უცხადებენ, - ამის შესახებ "რია ნოვოსტი" იუწყება.

მედია საშუალების ინფორმაციით, დღეს დაგეგმილი პარლამენტის სხდომა კვორუმის არარსებობის გამო ვერ იწყება. სხდომის დაწყებისთვის 53 დეპუტატის დასწრებაა საჭირო, თუმცა პარლამენტში მხოლოდ 29 დეპუტატი მივიდა.

"ცარუკიანის" ფრაქციის ერთ-ერთი დეპუტატის ვაგე ენფიაჯანის განცხადებით, ფრაქცია საპარლამენტო კვირას ბოიკოტს უცხადებს.

"ქვეყანაში არსებული მდგომარეობიდან გამომდინარე, გადავწყვიტეთ, რომ აღნიშნული 4 დღე ბოიკოტიუს რეჟიმში ვიყოთ", - დასძინა დეპუტატმა.

გარდა ამისა,  მედიის ცნობით, დღეს დილიდან სომხეთის სხვადასხვა ქალაქებში აქციები დაიწყო. მომიტინგეებმა მჯდომარე აქცია გიუმრის მერიის შენობასთან დაიწყეს. აღსანიშნავია, რომ გიუმრი ერევნის შემდეგ მეორე უდიდესი ქალაქია სომხეთში და მის ტერიტორიაზე რუსეთის სამხედრო ბაზაა განლაგებული.

მომიტინგეები გიუმრის მერს მოუწოდებენ მათ აქციას შეუერთდეს. ამასთან, აქციის მონაწილეებმა გიუმრიში შირაკის ოლქის ადმინისტრაციის და საგადასახადო ინსპექციის შენობების ბლოკირება მოახდინეს.

ცნობისთვის, გუშინ სომხეთის პარლამენტმა ქვეყნის პრემიერ-მინისტრად ნიკო ფაშინიანი არ აირჩია. ფაშინიანს 8 ხმა დააკლდა, რათა პრემიერის პოსტი დაეკავა. მოგვიანებით მან მხარდამჭერებს ფართომასშტაბიანი აქციებისკენ გამართვისკენ მოუწოდა.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ