"ევროპული საქართველოს" წევრი გიგა ბოკერია NDI-ის კვლევას დადებითად აფასებს.

როგორც ბოკერიამ აღნიშნა, ორგანიზაციის მიერ ჩატარებულმა კვლევამ აჩვენა, რომ მმართველ გუნდს ქვეყანა ჩიხში მიჰყავს.

"კვლევებს საერთაშორისო ორგანიზაციები ატარებენ და დგინდება ვითარება ქვეყანაში, რა თქმა უნდა სხვადასხვა სიზუსტით, რადგან ეს ზოგადად კვლევას ახასიათებს. ამჯერადაც ჩვენი საზოგადოების დიდი ნაწილი ჩამოყალიბებულია იმაზე, რომ ქვეყანა არ მიდის სწორი მიმართულებით, ქვეყანაში გაიზარდა კორუფცია და კრიმინალი და ასე შემდეგ. ივანიშვილის გუნდს ჩიხში მიყავს ქვეყანა და მათი საარჩევნო რეიტინგიც დაეცა. ჩვენთვის მთავარი გამოწვევაა და ეს კვლევა გვიჩვენებს, რომ მოსახლეობის ძალიან დიდი ნაწილი კვლავ არ არის ჩამოყალიბებული თუ ვის დაუჭიროს მხარი. ამაზე ჩვენ უნდა ვიმუშავოთ. მოხარული ვარ, რომ ჩვენი პარტიის თავმჯდპომარე დათო ბაქრაძე არის ოპოზიციის ფიგურებს შორის ლიდერი", - განაცხადა საპარლამენტო უმცირესობის წევრმა.

ცნობისთვის, ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა უმრავლესობამ (30%) არ იცის, ხვალ რომ საპარლამენტო არჩევნები იყოს რომელ პარტიას მისცემდა ხმას. კვლევის მიხედვით, გამოკითხულთა 26% ხმას „ქართულ ოცნებას“ მისცემდა, 8% - „ნაციონალურ მოძრაობას“, 4% - „ევროპულ საქართველოს“; 9% - სხვა პარტიას. ამასთან, 13%-მა აღნიშნა, რომ ხმას არცერთ პარტიას მისცემდა, 10%-მა პასუხზე უარი განცხადა.

ავტორი: ,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან