ეროვნულ-დემოკრატიული ინსტიტუტის (NDI) კვლევის თანახმად, საქართველოს ნატო-ში გაწევრიანებას გამოკითხული მოსახლეობის 65% მხარს უჭერს.

ნატოში გაწევრიანებას მხარს არ უჭერს 20%, ხოლო 15%-მა არ იცის უნდა თუ არა, რომ ქვეყანა ჩრდილოატლანტიკური ალიანსის წევრი გახდეს.

ამასთან, NDI-ის მონაცემებით, ნატოში გაწევრიანებას ყველა მეტი მხარდაჭერა დედაქალაქში აქვს - 74%. კითხვაზე - რას მოუტანს ქვეყანას ნატოში გაწევრიანება  - გამოკითხულთა 60%-მა თქვა, რომ უსაფრთხოებას, ეკონომიკურ წინსვლას და ტერიტორიულ მთლიანობას.

"გამოკითხულთა ის ნაწილი, რომელიც მხარს არ უჭერს ნატო-ში გაწევრიანებას, მიზეზად რუსეთთან ურთიერთობის დაძაბვას და აგრესიას ასახელებენ", - ნათქვამია კვლევაში.

რაც შეეხება ევროკავშირში გაწევრიანებას, მას გამოკითხულთა 75% უჭერს მხარს.

კითხვაზე მისაღებია თუ არა მთავრობის გაცხადებული მიზანი, საქართველო გახდეს ევროკავშირის წევრი, გამოკითხულთა 75%-მა განაცხადა, რომ მისაღებია, 15%-სთვის მიუღებელია, ხოლო 9 %-მა არ იცის.

ცნობისთვის, აღნიშნული კვლევა 30 მარტიდან 4 აპრილის პერიოდში ჩატარდა. კვლევაში სულ 2 194 ადამიანმა მიიღო მონაწილეობა.

ავტორი: ,

სოციალური ქსელები

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს

სარჯველაძემ გომის მთაზე ავტოსაგზაო შემთხვევის შედეგად დაზარალებულები მოინახულა

გომის მთაზე მომხდარი ავარიის შედეგად დაშავებული 11 პაციენტიდან 6 ბავშვია, ისინი ბათუმის რესპუბლიკურ საავადმყოფოში არიან

პუტინის რეჟიმმა კენედების დინასტიის წევრი, მოქმედი ჯანდაცვის მინისტრის შვილი, ძებნაში გამოაცხადეს და პატიმრობა შეუფარდეს