ხუთშაბათს, 3 მაისს, თბილისის მეტრო მუშაობას შეწყვეტს, - ამის შესახებ თბილისის მეტროპოლიტენების მემანქანეთა დამოუკიდებელი პროფესიული კავშირის წევრებმა, რუსთაველის მეტროსთან გამაფრთხილებელი აქციის დროს განაცხადეს.

მეტროპოლიტენის მემანქანეები ხელფასის 45%-ით  გაზრდას მოითხოვენ. აქციის ორგანიზატორთა განცხადებით, საათობრივი ანაზღაურების 7 ლარიდან 10 ლარამდე გაზრდის მოთხოვნა გამოწვეულია ქვეყანაში არსებული ეკონომიკური ფონითა და მეტროში არსებული მძიმე სამუშაო პირობებით.

„სატრანპორტო კომპანიის და მერიის პოზიცია შემდეგია, რომ ხელფასების მატება ჯერჯერობით ვერ განხორციელდება. სწორედ ამიტომ „ერთობა 2013“ აანონსებდა, თუ ხელფასების გაზრდა მშვიდობიანი გზით არ მოხერხდებოდა,  გაფიცვის დაწყებას. დღეს ვართ შეკრებილები იმ მიზნით, რომ ბრიფინგის საშუალებით მოხდეს ამის გაცხადება, როგორც კომპანიისთვის და ასევე საზოგადოებისთვის, რომ 3 დღით ადრე ვაანონსებთ იმ დღეს როდესაც მეტრო შეწყვეტს ფუნქციონირებას.  მთლიანად იქნება პარალიზირებული მეტრო 3 მაისიდან. მოთხოვნა არის ხელფასების გააზრდა. გვინდა რომ მემნაქანეების ხელფასი საათობრივად 7-დან 10 ლარამდე გაიზარდოს“, - განაცხადა „ერთობა 2013“-ის წარმომადგენელმა არჩილ ლაბაძემ.

აქციის მონაწილეები აცხადებენ რომ გასულ კვირას, ამ საკითხთან დაკავშირებით, თბილისი მერიაში, მედიაციის ფორმატის შეხვედრა გაიმართა, რომლის დასრულების შემდეგ, თბილისის ვიცე-მერმა, ირაკლი ხმალაძემ განაცხადა, რომ თბილისის მუნიციპალიტეტს დღეისთვის მეტროს მემანქანეებისთვის ხელფასის გაზრდის ფინანსური რესურსი არ აქვს.

ავტორი: ,

სოციალური ქსელები

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს

სარჯველაძემ გომის მთაზე ავტოსაგზაო შემთხვევის შედეგად დაზარალებულები მოინახულა

გომის მთაზე მომხდარი ავარიის შედეგად დაშავებული 11 პაციენტიდან 6 ბავშვია, ისინი ბათუმის რესპუბლიკურ საავადმყოფოში არიან

პუტინის რეჟიმმა კენედების დინასტიის წევრი, მოქმედი ჯანდაცვის მინისტრის შვილი, ძებნაში გამოაცხადეს და პატიმრობა შეუფარდეს