ბოკერია: არჩილ თალაკვაძე ან ძალიან ღელავს ან კომისიებს დავალებას აძლევს

2018-04-28 21:16:16, 1632 ნახვა

კომენტარი

"ევროპული საქართველოს" წევრი გიგა ბოკერია საპარლამენტო უმრავლესობის ლიდერის არჩილ თალაკვაძის განცხადებას გამოეხმაურა, რომლის თანახმადაც, "ქართული ოცნების" კანდიდატმა შუალედურ საპარლამენტო არჩევნებში დამაჯერებელი გამარჯვება მოიპოვა.

როგორც ბოკერიამ აღნიშნა, მმართველი გუნდი მსგავსი განცხადებებით თავს იმხნევებს.

"ან ძალიან ღელავს და თავს იმხნევებს, ან დავალებას აძლევს კომისიებს, საიდან უნდა იცოდეს თალაკვაძემ პროცენტები, როდესაც უბნები დაიხურა რამდენიმე წუთის წინ. ჩვენ წარმატების სრული საფუძველი გვაქვს, თუმცა ხმების დათვლას დაველოდებით. ჩვენ ამ ხმებს დავიცავთ. სასურველია, რომ უფრო მეტი აქტივობა ყოფილიყო. მაგრამ ჩვენ გვჯერა ჩვენი წარმატების ყველაფერს გავაკეთებთ იმისთვის რათა იმ ხალხის ხმები დავიცვათ, ვინც მმოიხადა თავის სამოქალაქო ვალი და მოვიდა არჩევნებზე", - განაცხადა ბოკერიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები