საქველმოქმედო ფონდ "ავერსსა" და საქართველოს სოლიდარობის ფონდს შორის ურთიერთთანამშრომლობის მემორანდუმი გაფორმდა: საქართველოს სოლიდარობის ფონდის ბენეფიციარები "ავერსის" კლინიკებში მაღალტექნოლოგიურ კვლევებს უფასოდ ჩაიტარებენ.

საქართველოს სოლიდარობის ფონდს საქართველოს პრემიერ-მინისტრის ინიციატივითა და საქართველოს მთავრობის 2014 წ. 9 ივნისის დადგენილებით ჩაეყარა საფუძველი. ეს ორგანიზაცია ნებაყოფლობითი დონაციებით ფინანსური რესურსების მობილიზებას უზრუნველყოფს. მისი ბენეფიციარების უმრავლესობა ონკოლოგიური პრობლემის მქონე პაციენტია. სწორედ მათი სამედიცინო კვლევების დაფინანსების ვალდებულებას იღებს საქველმოქმედო ფონდი "ავერსი".

საქართველოს სოლიდარობის ფონდის აღმასრულებელმა დირექტორმა ია მაქაცარია-ჩხაიძემ აღნიშნა, რომ ბენეფიციარების რაოდენობა გამუდმებით იზრდება:

- დღეს ჩვენი ბენეფიციარების რიცხვი 500-ს აჭარბებს, ასე რომ, "ავერსის" ეს ინციატივა უდიდესი შეღავათია ფონდისთვის, იმედი და გამოჯანმრთელების შანსია 22 წლამდე ასაკის სიმსივნით დაავადებული პაციენტებისთვის, რადგან მაღალტექნოლოგიური კვლევები ერთ-ერთი უმთავრესი პირობაა მათ გადასარჩენად.

პაატა კურტანიძემ, "ავერსის" დამფუძნებელმა, კიდევ ერთხელ გაუსვა ხაზი "ავერსის" კლინიკების ულტრათანამედროვე აღჭურვილობას – აქ დამონტაჟებული უახლესი აპარატურა მაღალტექნოლოგიური კვლევების ჩატარების შესაძლებლობას იძლევა. მან ისაუბრა იმ მნიშვნელოვან სიახლეზეც, რომელსაც ივნისიდან ქირურგიის ეროვნული ცენტრი შემოგვთავაზებს:

- კლინიკამ შეიძინა ამერიკული წარმოების ოთხი სხივური ამაჩქარებელი, რომელთა მონტაჟიც უკვე მიმდინარეობს. ივნისში პირველ პაციენტებსაც მივიღებთ. ეს არის ონკოლოგიური პაციენტების მკურნალობის ყველაზე თანამედროვე, უახლესი მეთოდი. თითოეული აპარატის ღირებულება 3 მილიონი დოლარია. ამ სიახლისთვის ერთი წლის განმავლობაში ვემზადებოდით. ვაშენებდით ბუნკერებს, სადაც ეს აპარატურა განთავსდება. ვფიქრობ, საქართველოს სოლიდარობის ფონდთან ამ მიმართულებითაც ვიმუშავებთ და ბევრ ახალგაზრდას მივცემთ გამოჯანმრთელების შანსს.

საქველმოქმედო ფონდ "ავერსის" დირექტორმა ქეთევან ნემსაძემ აღნიშნა, რომ ფონდი საქველმოქმედო პროექტებზე მილიონობით ლარს ხარჯავს:

- საქველმოქმედო ფონდი "ავერსი" ვალდებულებას იღებს, დააფინანსოს საქართველოს სოლიდარობის ფონდის ბენეფიციართა მაღალტექნოლოგიური კვლევები. მოხარული ვართ, რომ შესაძლებლობა გვეძლევა, ჩვენი წვლილი შევიტანოთ ახალგაზრდების გადარჩენასა და გამოჯანმრთელებაში.

შპს "ავერსი-ფარმასა" და საქართველოს სოლიდარობის ფონდს შორის მემორანდუმი 2017 წლის 26 ივლისსაც გაფორმდა. ამ შეთანხმების ფარგლებში "ავერსის" თანამშრომლების ყოველთვიური ხელფასიდან ხდება თანხის ნებაყოფლობითი დონაცია.

"ავერსი" მაღალი სოციალური პასუხისმგებლობის მქონე კომპანიაა, ის არაერთ სოციალურ პროექტს ახორციელებს და ყოველწლიურად ამისთვის მილიონობით ლარს ხარჯავს.

2013 წელს "ავერსის" თანამშრომლებმა დააარსეს ფონდი ერთმანეთის დასახმარებლად, სახელწოდებით "ავერსელები ავერსელებისთვის", რომელიც ამ ხნის განმავლობაში უკვე 83 ავერსელს დაეხმარა – მათი და მათი ოჯახის წევრების ჯანმრთელობისთვის 406 ათასი ლარი დახარჯა.

სიკეთე გადამდებია, ყოველი გადარჩენილი სიცოცხლე კი - ამ სიკეთის შედეგი.

(R)

ავტორი: ,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა