რიყის პარკში წიგნისა და საავტორო უფლებების საერთაშორისო დღე აღინიშნა. ღონისძიება თბილისის მერიის, ისნის რაიონის გამგეობისა და  საქართველოს წიგნის გამომცემელთა და გამავრცელებელთა ასოციაციის ორგანიზებით გაიმართა. 

ღონისძიების ფარგლებში, რიყის პარკში წიგნების ერთდღიანი გამოფენა-გაყიდვა მოეწყო, სადაც  ოცზე მეტი ქართველი გამომცემელი მონაწილეობს. გაიმართა შეხვედრები თანამედროვე ქართველ ავტორებთან. წიგნების გამოფენა-გაყიდვის პარალელურად, მოეწყო შეზღუდული შესაძლებლობების პირთა მიერ დამზადებული ხელნაკეთობების და ყვავილების  გამოფენა-გაყიდვა.

ღონისძიებას თბილისის მერის მოადგილე სოფიო ხუნწარიაც დაესწრო. 

 „კარგი ტრადიცია დამკვირდა თბილისში, ყოველ 23 აპრილს აღვნიშნავთ წიგნის საერთაშორისო დღეს. ყოველწლიურად იზრდება მონაწილე გამომცემელთა რიცხვი, რაც იმას ნიშნავს, რომ ჩვენ მსოფლიო წიგნის ბაზარს ეტაპობრივად ვუერთდებით. დღეს რიყის პარკში წარმოდგენილი იყვნენ ქართველი დებიუტანტი ავტორები, რაც ასევე ძალიან მნიშვნელოვანია. აქ ბევრი ახალი თაობის წარმომადგენელი იმყოფება, რაც იმას ნიშნავს, რომ წიგნისადმი ინტერესი კიდევ უფრო იზრდება“, - განაცხადა სოფიო ხუნწარიამ.  

ღონისძიების ფარგლებში ქალაქ თბილისის მუნიციპალიტეტის გიორგი ალექსიძის სახელობის თანამედროვე ბალეტის პერფომანსი და სხვადასხვა ტიპის აქტივობები გაიმართება. დღის ბოლოს 18:00 საათზე,  ღონისძიებას საზეიმოდ დაასრულებს თბილისის მერიის ბიგ-ბენდი.  

ღონისძიებას, ასევე, ისნის რაიონის გამგებელი კახა ლაბუჩიძე, თბილისის საკრებულოს წევრები, წიგნის გამომცემელთა ასოციაციის ხელმძღვანელები და ქართველი მწერლები ესწრებოდნენ. 

(NS)

ავტორი: ,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა