ევროპული და ევროატლანტიკური ინტეგრაცია მნიშნველოვანია ოკუპირებულ ტერიტორიებზე მცხოვრები მოსახლეობისთვის- ამის შესახებ, საქართველოს ვიცე-პრემიერმა, საგარეო საქმეთა მინისტრმა მიხეილ ჯანლიძემ  განაცხადა. 

ჯანელიძემ, ნატო-ს დღეების ფარგლებში, კახეთის რეგიონის ადგილობრივ თვითმმართველობის ორგანოებთან, უმცირესობების,  არასამთავრობო სექტორისა და მედიის წარმომადგენლებთან შეხვედრისას პრემიერ-მინისტრის ინიციატივაზე „ნაბიჯი უკეთესი მომავლისკენ" ისაუბრა.

მისი განცხადებით, მთავრობის ეს ინიციატივა უკავშირდება ახალი, მათ შორის საქართველოს ევროპული და ევრო-ატლანტიკური ინტეგრაციის პროცესით არსებული  შესაძლებლობის შეთავაზებას ოკუპირებულ ტერიტორიებზე მცხოვრები ადამიანებისთვის.

„ოკუპირებულ ტერიტორიებზე მცხოვრებ ადამიანებთან შერიგების, ხიდების აგების, ახალი შესაძლებლობების გამონახვისთვის ყველაზე  კარგი შესაძლებლობა არის ჩვენი ევროპული ინტეგრაცია, რომელსაც ჩვენი მოქალაქეებისთვის სიკეთეები მოაქვს. ჩვენ გვინდა რომ ოკუპირებულ ტერიტორიებზე მცხოვრები ადამიანები, სტუდენტები, სარგებლობდნენ ისეთივე შესაძლებლობებით, როგორც თქვენ სარგებლობთ. მათაც ჰქონდეთ საშუალება, რომ იმოგზაურონ ევროპაში იმ შესაძლებლობებით რომელიც საქართველოსთვის არის მოცემული და მონიჭებული. ისინი საქართველოს ნაწილი არიან  და  უნდა აღიზარდონ და განვითარდნენ, როგორც საქართველოს ნაწილი. ჩვენ მხოლოდ ამ შემთხვევაში შევძლებთ ადამიანების დაახლოვებას და ომით და საოკუპაციო ხაზით, საოკუპაციო ჯარებით გაყოფილი საზოგადოების გაერთიანებას."- განაცხადა მიხეილ ჯანელიძემ. 
მისი თქმით, მიუხედავად ყველა ბარიერისა და შემაფერხებელი ფაქტორისა საქართველო გააგრძელებს და არ გადაუხვევს  სამშვიდობო პოლიტიკის კურსს.

ნატოს დღეები წელს მეთერთმეტედ აღინიშნება და 16 აპრილიდან 1 მაისამდე გაგრძელდება. ღონისძიება საქართველოში სსიპ „საინფორმაციო ცენტრის ნატოსა და ევროკავშირის შესახებ" ორგანიზებით, საგარეო საქმეთა სამინისტროს, საქართველოში ნატო-ს სამეკავშირეო ოფისისა და საქართველოში ბულგარეთის საელჩოს (ნატოს საკონტაქტო საელჩო) მხარდაჭერით იმართება.

ავტორი: ,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან