ხელისუფლების დამოუკიდებლობის ინდექსში საქართველოს პოზიცია უცვლელია, - ამის შესახებ საერთაშორისო ორგანიზაცია Freedom House-ის მორიგ ანგარიშშია აღნიშნული.

ანგარიშის თანახმად, ქვეყანას კვლავ 5 ქულა აქვს მინიჭებული.

ამასთან, დოკუმენტში ნათქვამია, რომ ყოფილი პრემიერ-მინისტრი ბიძინა ივანიშვილი კვლავ არაფორმალურ მმართველად რჩება.

"არაფორმალური მმართველობის კუთხით, საქართველოში მმართველ პარტია „ქართულ ოცნებაზე“ კონტროლს, 2013 წელს პრემიერ-მინისრტობიდან გადადგომის მიუხედავად, ბიძინა ივანიშვილი ინარჩუნებს, მისი კომპანიის თანამშრომლები კი უმაღლეს თანამდებობებს იკავებენ. ივანიშვილი აგრძელებს "კონსულტანტის" როლის შესრულებას. გარდა ამისა, პრეზიდენტი გიორგი მარგველაშვილი მმართველი გუნდის კრიტიკის საგნად იქცა, მას შემდეგ რაც სხვა მიმართულებით დაიწყო სვლა. "ქართული ოცნება" აიგნორებდა ოპოზიციური პარტიების აზრს, ასევე პრეზიდენტის ინსტიტუტს. რამდენიმე კონსულტაცია მმართველ გუნდა და ოპოზიციას შორის წარუმატებლობით დასრულდა. განსაკუთრებული მოვლენა 2017 წელს ახალი კონსტიტუციის მიღება იყო. ამ შემთხვევაშიც "ქართულმა ოცნებამ" და სხვა პოლიტიკურმა ძალებმა კომპრომისს ვერ მიაღწიეს. არაფორმალური მმართველობა საქართველოს დემოკრატიულ განვითარებას ისევ ხელს უშლის“, – აღნიშნულია Freedom House-ის ანგარიშში.

გარდა ამისა, ანგარიშში საუბარი "ქორწინების შესახებ" კანონის მიღებასაც შეეხო.

"კონსტიტუციაში ჩაიწერა, რომ ქორწინება არის ქალისა და კაცის ერთობა. ეს ლგბტ თემის კიდევ უფრო გარიყვას ითვალისწინებს, თუმცა მმართველი გუნდის ამ გადაწყვეტილებამ კონსერვატიული მოსახლეობის კმაყოფილება და მოწონება დაიმსახურა", - ნათქვამია ანგარიშში. 

ავტორი: ,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება