ომბუდსმენი: ე.წ. კაბელების მთლიანი საქმისთვის საიდუმლო გრიფის მინიჭება პროკურატურის მხრიდან აუცილებლობას არ წარმოადგენდა

2015-05-21 13:21:44, 812 ნახვა

სამართალი

სახალხო დამცველის შეფასებით, ე.წ. კაბელების მთლიანი საქმისთვის საიდუმლო გრიფის მინიჭება, პროკურატურის მხრიდან აუცილებლობას არ წარმოადგენდა.

ამის შესახებ ნანუაშვილმა ადამიანის უფლებათა დაცვის კომიტეტის სხდომაზე 2014 წლის ანგარიშის წარდგენისას განაცხადა.

"ლეგიტიმური კითხვები რჩებოდა პროკურატურის, როგორც სისხლის სამართლებრივი დევნის განმახორიცელებელი ორგანოს მიუკერძოებლობასთან დაკავშირებით. სახალხო დამცველის შეფასებით, პროკურატურის მხრიდან აუცილებლობას არ წარმოადგენდა ე.წ. კაბელების მთლიანი საქმისთვის საიდუმლო გრიფის მინიჭება, რამაც გამოძიების საწყის ეტაპზე ხელი შეუშალა დაცვის მხარის შეუფერხებელ წვდომას საქმის მასალებისადმი.მოგვიანებით პროკურატურამ გაითვალისწინა სახალხო დამცველის რეკომენდაცია და საქმის მასალების მნიშვნელოვან ნაწილს გრიფი მოხსსნა",-განაცხადა უჩა ნანუაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან