იულია სკრიპალი საავადმყოფოდან გაწერეს

2018-04-10 11:46:22, 2374 ნახვა

მსოფლიო

ყოფილი ჯაშუშის შვილი იულია სკრიპალი საავადმყოფოდან გაწერეს, - ამის შესახებ BBC იუწყება.

მედია საშუალების ინფორმაციით, იულია სკრიპალი საავადმყოფოდან გუშინ გაწერეს. 33 წლის ქალი უსაფრთხო ადგილას გადაიყვანეს.

ცნობისთვის, მანამდე რუსულმა მედიამ იულია სკრიპალის და მისი ბიძაშვილის სატელეფონო საუბარი გაასაჯაროვა. აღნიშნული საუბრის დროს სკრიპალმა განაცხადა, რომ ის თავს კარგად გრძნობს.

შეგახსენებთ, რომ სკრიპალები 4 მარტს ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. მოგვიანებით ყოფილი რუსი ჯაშუშის მოწამვლაში რუსეთს დასდეს ბრალი. სანქციის სახით, ბრიტანეთმა ქვეყნიდან 23 რუსი დიპლომატის გაძევების გადაწყვეტილება მიიღო. სერგეი სკრიპალის საქმის გამო რუს დიპლომატებს უკვე 30-ზე მეტი ქვეყნიდან აძევებენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები