|
2018-04-05 12:51:49, 1425 ნახვა
საზოგადოება
„ELSA“-ს სტუდენტების პრაქტიკა სანოტარო სამართალში იწყება
საქართველოს ნოტარიუსთა პალატა, ევროპის იურისტ სტუდენტთა ასოციაციასთან გაფორმებული მემორანდუმის ფარგლებში, პრაქტიკის გავლის მსურველთა შერჩევას იწყებს. პროფესიული ტესტირება ნოტარიუსის პროფესიით დაინტერესებულებმა უკვე გაიარეს. საუკეთესო შედეგების მქონე სტუდენტები სანოტარო ბიუროებში გადანაწილდებიან და ნოტარიუსის საქმიანობის პრაქტიკულ ნაწილს გაეცნობიან. ნოტარიუსთა პალატის სტუდენტურ წრეებთან თანამშრომლობის მიზანი მათთვის სანოტარო საქმიანობის უკეთ გაცნობაა, რაც მომავალ იურისტებს პროფესიული საქმიანობის არჩევაში დაეხმარებათ. ნოტარიატის სისტემას კი საშუალებას მისცემს მოიზიდოს ახალგაზრდა და მოტივირებული კადრები. მემორანდუმი „ELSA“-სა და ნოტარიუსთა პალატას შორის მარტში გაფორმდა. დოკუმენტი სტუდენტებისათვის სალექციო და პრაქტიკულ კურსს ითვალისწინებს. სტუდენტური პროექტების ინიცირება ნოტარიუსთა პალატის ერთ-ერთი მთავარი პრიორიტეტია. პალატის წარმომადგენლები ხშირად მართავენ საჯარო ლექციებს, აწყობენ შეხვედრებს სტუდენტებთან, ეწევიან პედაგოგიურ საქმიანობას. პროექტის - „პროფესია ნოტარიუსის“ ფარგლებში ნოტარიუსთა პალატის თავმჯდომარე და გამგეობის წევრები უკვე შეხვდნენ ახალგაზრდა იურისტებს „მაცნეს კლუბში“, საქართველოს ტექნიკურ უნივერსიტეტში, ბათუმის, თელავისა და სახელმწიფო უნივერსიტეტებში. ნოტარიუსის პროფესიით დაინტერესებულებისათვის პალატაში ფუნქციონირებს სასწავლო ცენტრი, რომელიც ახალგაზრდა ნოტარიუსების პროფესიულ ზრდაზეა ორიენტირებული. ასევე, მოქმედებს სტაჟირების კურსები ნოტარიუსთა თანაშემწეთათვის. ინტენსიური თეორიული სწავლებისა და სანოტარო ბიუროებში პრაქტიკის შემდეგ, წარმატებული თანაშემწის კანდიდატები სანოტარო ბიუროებში საქმდებიან.
(NS)
ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს
Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში
კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ
საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს
მედია: ტრამპმა ზელენსკის მოუწოდა, გაბედულად იმოქმედოს რუსეთის წინააღმდეგ
ვიდეო/LIVE პატრიარქის ილია მეორის დაკრძალვა - პირდაპირი
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|





epn.ge (@expressnews.ge)