Youtube-ის ოფისზე თავდამსხმელი ქალი ლიკვიდირებულია

2018-04-04 08:28:39, 1896 ნახვა

მსოფლიო

კალიფორნიაში YouTube-ის შტაბბინაში სროლებში ეჭვმიტანილი ქალი ლიკვიდირებულია.

ABCnews-ის ცნობით, სროლების შედეგად ოთხი ადამიანი დაჭრილი, ერთი კი შენობაში გარდაიცვალა. პოლიციის ინფორმაციის დაჭრილები საავადმყოფოში გადიყვანეს.

დაუდასტურებელი ინფორმაციით, თავდამსხმელმა ცეცხლსასროლი იარაღით თავი მოიკლა.
სამართალდამცავები თავდამსხმელის ვინაობას ამ დრომდე არ ასახელებენ. პოლიციელები არც თავდასხმის მოტივზე საუბრობენ, თუმცა, მედიის ცნობით, თავდამსხმელი ქალი, ნასიმ აგდამია, რომელიც მანამდე რივერსაიდსა და სან დიეგოში ცხოვრობდა.

შეტყობინება თავდასხმის შესახებ 911-ზე დღის 12:46 საათზე შევიდა. დაახლოებით ერთ საათში შენობიდან ევაკუაცია დასრულდა.

სამართალდამცველებს გაწეული და მიმდინარე სამუშაოებისთვის, Twitter-ის ოფიციალურ გვერდზე, აშშ-ს პრეზიდენტმა, დონალდ ტრამპმა მადლობა გადაუხადა.

„მომაწოდეს ინფორმაცია კალიფორნიაში YouTube-ის შტაბბინაში მომხდარი სროლების შესახებ. ჩვენი აზრები და ლოცვები მათთანაა, ვისაც შეეხო ეს ინციდენტი“, - განაცხადა ტრამპმა.

Was just briefed on the shooting at YouTube’s HQ in San Bruno, California. Our thoughts and prayers are with everybody involved. Thank you to our phenomenal Law Enforcement Officers and First Responders that are currently on the scene.
— Donald J. Trump (@realDonaldTrump) 3 апреля 2018 г.