2018-03-29 17:29:51, 1988 ნახვა

---

საოკუპაციო რეჟიმი: ქართულმა მხარემ ჟენევის დისკუსიები გამოიყენა, რომ სამხრეთ ოსეთი ტატუნაშვილის სიკვდილში დაედანაშაულებინა

ქართულმა მხარემ ჟენევის დისკუსიები იმისათვის გამოიყენა, რომ ე.წ. სამხრეთ ოსეთი საქართველოს მოქალაქის არჩილ ტატუნაშვილის სიკვდილში დაედანაშაულებინა, - ამის შესახებ ჟენევის საერთაშორისო დისკუსიებში ოკუპირებული ცხინვალის წარმომადგენლების განცხადებაშია ნათქვამი.

ინფორმაციას "სპუტნიკ ოსეტია" ავრცელებს.

განცხადების თანახმად, უსაფრთხოების საკითხების განხილვისას ქართული მხარე შეეცადა ტატუნაშვილის სიკვდილი ე.წ. სამხრეთ ოსეთის მიმართ „დემაგოგიური ბრალდებებისთვის“ გამოეყენებინა.

„სამხრეთ ოსეთის დელეგაციამ არგუმენტირებული პოზიცია წარადგინა ამ ბრალდებების უსაფუძვლობასთან დაკავშირებით და განაცხადა, რომ მიუღებელია ტატუნაშვილის სიკვდილის გამოყენება უხეში პოლიტიკური პროვოკაციებისთვის, რომელსაც ქართული მხარე ახორციელებს“, - ნათქვამია განცხადებაში.

---

ავტორი: ,

---

დღის თემა

მთავარი თემა

ინტერვიუ - ექსკლუზივი