დემოკრატმა კანდიდატმა აბდულ ელ-საიდმა გაიმარჯვა აშშ-ის კონგრესის ზედა პალატაში მიჩიგანის წარმომადგენლობის არჩევნებში, რითაც დაამარცხა რესპუბლიკელი მაიკ როჯერსი. ის ქვეყნის ისტორიაში პირველი მუსლიმი სენატორი გახდება.

როგორც ონლაინ გამოცემა The Independent აღნიშნავს, აშშ-ის პრეზიდენტმა დონალდ ტრამპმა ელ-საიედს განზრახ რამდენჯერმე „მოჰამედი“ უწოდა და ისიც კი თქვა, რომ ის „შეშლილი ჯიჰადისტია, რომელსაც ჩვენი ქვეყანა (აშშ - რედ.) სძულს“.

აბდულ ელ-საიდი არის ამერიკელი ექიმი, ეპიდემიოლოგი, პოლიტიკური აქტივისტი და კომენტატორი. ის არის ამერიკის პროგრესული ფრთის ერთ-ერთი ცნობილი მუსლიმი ლიდერი მიჩიგანის შტატში.

წარსულში ხელმძღვანელობდა დეტროიტის ჯანდაცვის დეპარტამენტს, სადაც იყო ყველაზე ახალგაზრდა ჯანდაცვის კომისარი აშშ-ის დიდ ქალაქებს შორის.

2018 წელს მონაწილეობდა მიჩიგანის გუბერნატორის პრაიმერიზში დემოკრატიული პარტიიდან, სადაც მიიღო პროგრესული ძალების (მათ შორის ბერნი სანდერსის) მხარდაჭერა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გურჯაანში ავარიას 9 წლის ბავშვი ემსხვერპლა - ოჯახის სამი წევრი კი დაშავდა

გახარია კობახიძის ევროპაში ვიზიტზე - სრული არაკომპეტენტურობა და რეალობისგან სრული მოწყვეტა

მიჩიგანის შტატში სენატორის ადგილი მუსლიმმა დემოკრატმა აბდულ ელ-საიდმა მოიპოვა

გერმანიამ დემოკრატებს აშშ-ის შუალედურ არჩევნებში გამარჯვება მიულოცა