თბილისის მერის კახი კალაძის ინფორმაცით, სავარაუდოდ, ხვალ "სითი ინსტიტუტი" დედაქალაქის მიწათსარგებლობის გენერალურ გეგმასთან დაკავშირებით საკუთარ ხედვებს წარმოადგენს.

კალაძის თქმით, მერიას მიაჩნია, რომ დოკუმენტი ხარვეზიანია და შეუსაბამობებს შეიცავს. ამასთან, დედაქალაქის მერისთვის მიუღებელია შეხვედრის ის ფორმაც, რომელიც გუშინ შედგა.

"ხვალ თუ არ ვცდები, "სითი ინსტიტუტს" აქვს სურვილი წარმოადგინონ თავიანთი პრეზენტაცია, ხედვები და მერიის მხრიდანაც იქნებიან წარმოდგენილი ადამიანები, ვინც დაესწრება ამ შეხვედრას. რაც შეეხება პროცესს, ეს დღეს და გუშინ არ დაწყებულა, დიდი ხანია მიმდინარეობს და უსასრულო ვერ იქნება.18 თვე ჰქონდათ მათ ხელშეკრულებით გათვალისწინებული ვადა, უნდა დაემთავრებინათ გენერალურ გეგმაზე მუშაობა, როდესაც ჩვენი გუნდი მოვიდა, მოგვეცა უფლებამოსილება,დაგვეწყო ჩვენი სამუშაო, 26 თვე იყო გასული.შესაბამისად, მათ შემდეგ წარმოადგინეს მე-6 ეტაპის დოკუმენტაცია, რაც დაუხარვეზდათ და დაუბრუნდათ უკან. განვაცხადეთ, რომ ჩვენთვის რადგან მნიშვნელოვანია ამ დოკუმენტის არსრბობა და გვინდა, რომ მივიღოთ, მაგრამ ეს უნდა იყოს გამართული,მოწესრიგებული დოკუმენტი, რასაც უნდა დაეფუძნოს ქალაქის გრძელვადიანი განვითარება.მივმართეთ, წარმოადგინეთ გონივრული  ვადა, რა ვადაში შეგიძლიათ ამ ხარვეზის გამოსწორება, მათ მოითხოვეს 45 დღე. რადგან ჩვენ გვინდოდა მიგვეღო ხარისხობრივსდ კარგი, გამართული დოკუმენტი, დავეთანხმეთ ამ 45 დღეს, თუმცა გამოაწორებული რეალურად არაფერია.არსებობს პრობლემები, გუშინ გვინდოდა ამ შენიშვნებზეც მოგვესმინა მათი მხრიდან პასუხი,თუმცა მივიღეთ ცინიკური დამოკიდებულება, შეურაცხყოფის მიყენება კონკრეტულად ილია ელოშვილის მიმართ, იმ ახალგაზრდების მიმართ ვინც იქ იყვნენ, რაც კატეგორიულად მიუღებელია, ეს დამოკიდებულება გამოიყენონ თავიანთ სამსახურებში, ჩვენ არ მივცემთ არავის იმის შესაძლებლობას, ყოველგვარი ახსნა-განმარტების გარეშე შეურაცხყოფა მიაყენონ მერიის თანამშრომლებს. ეს არ არის კონსტრუქციული დამოკიდებულება.ჩვენ ვართ მომართული იმისკენ, რომ დოკუმენტი შევიმუშაოთ, ვისთან ერთად, როგორ, ამ გადაწყვეტილებას უახლოეს მომავალში მოგახსენებთ", - აღნიშნა კალაძემ.

ავტორი: ,

სოციალური ქსელები

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის

რუსეთში იმპორტირებული ინდური ბენზინი რუსულ ბენზინზე ორჯერ ძვირი აღმოჩნდა

დეზინფორმაციული კამპანიით ცდილობენ ეჭვქვეშ დადგეს გელათის გადახურვის საკითხი – კომიტეტი

კობა ფარტენაძის თქმით, მას ბათუმში თავს კიდევ ერთხელ დაესხნენ