პარლამენტის ვიცე-სპიკერი "ევროპული საქართველოდან" სერგი კაპანაძე, ჟენევის დისკუსიების მორიგ რაუნდს ეხმაურება.

პოლიტიკოსი იმ მიზეზებზე საუბრობს, თუ რატომ არ უნდა დაეთანხმოს ქართული მხარე ჟენევაში ძალის არგამოყენების დოკუმენტს.

კაპანაძე მიიჩნევს, რომ აღნიშნული დოკუმენტი რუსეთზე წნეხს ხსნის.

"1. ეს დოკუმენტი ხსნის წნეხს რუსეთზე, რომ მან აიღოს ჩვენს მიმართ ძალის არ-გამოყენების ვალდებულება. სამწუხაროდ, ამ ნაწილში სრულად დავმარცხდებით.

2. ეს დოკუმენტი გააძლიერებს რუსეთის პოზიციას, რომელიც ამ დოკუმენტის მიღებისთანავე იტყვის, რომ ეს არის промежуточное заявление და რომ აწი უნდა დავიწყოთ იურიდიულ დოკუმენტზე მუშაობა აფხაზეთთან და სამხრეთ ოსეთთან ერთად. ანუ, ისევ ჩვენზე გაიზრდება წნეხი.

3. დაიკარგება ჩენი მრავალწლიანი მოთხოვნა, რომ ძალის არ-გამოყენების ნაწილი იყოს "უსაფრთხოების საერთაშორისო მექანიზმები", რაც ჩვენთვის ნიშნავს საერთაშორისო ძალების შესვლას ოკუპ. ტერიტორიებზე. ეს ტერმინი საერთოდ აღარ გამოიყენება ტექსტში. ამიტომ, სერიოზული უკანსვლაა.

4. კითხვის ნიშნის ქვეშ დადგება მთლიანად ჟენევის არქიტექტურა. ვინ არიან მხარეები? ვინ იღებს ვალდებულებას? ეს კითხვები ყოველთვის ისმოდა, მაგრამ ამ განცხადებით აბსოლუტურად ერთ სიბრტყეში აღმოვჩნდებით ჩვენ, სოხუმი და ცხინვალი.

5. და ბოლოს, ამ საერთაშორისო კონტექსტში, როდესაც რუსეთი ომს აგრძელებს უკრაინაში, ნერვულ გაზს იყენებს დიდ ბრიტანეთში, გვიკლავს ტატუნაშვილს, როცა მის დიპლომატებს პანტა-პუნტით ყრიან დასავლეთის ქვეყნებიდან, რატომ უნდა გინდოდეს და მოსკოვს მიანიჭო "კონსტრუქციულის" წოდება ჟენევაში, სრულიად გაუგებარია... იმედია, ამ რაუნდს გადავაგორებთ ისე, რომ ამ შეცდომას ქართული დიპლომატია არ დაუშვებს. საგარეოში ნამდვილად არიან ადამიანები, რომელთაც ესმით, რომ ეს ნაბიჯი გამოუსწორებელი შეცდომა იქნება“,- წერს სერგი კაპანაძე Facebook-ის საკუთარ გვერდზე.

საპარლამენტო უმცირესობის წევრმა დასძინა, რომ აღნიშნულ თემაზე კითხვებით საგარეო საქმეთა სამინისტროს მიმართა, თუმცა პასუხი, მისივე ინფორმაციით, ამ დრომდე არ მიუღია.

ავტორი: ,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა