ჩრდილოეთ კორეის მმართველი კიმ ჩენ ინი, პეკინში ჩინეთის ლიდერს, სი ძინ პინს შეხვდა, - ამის შესახებ ინფორმაციას „ჩინეთის ცენტრალური ტელევიზია“ ავრცელებს.

როგორც სი ძინ პინმა აღნიშნა, მშვიდობის შესანარჩუნებლად და ორი სახელმწიფოს საერთო ინტერესების დაცვის მიზნით, ფხენიანთან თანამშრომლობის გაძლიერებას გეგმავს.

„ჩვენ განსაკუთრებული ყურადღება უნდა დავუთმოთ ჩინეთისა და ჩრდილოეთ კორეის ახალგაზრდობას შორის კონტაქტების გაძლიერებას და მათ გაფართოვებას, რათა მათ არსებული მეგობრული ტრადიციები მემკვიდრეობით გადავცეთ“, - განაცხადა სი ძინ პინმა.

მისივე თქმით, კიმ ჩენ ინის ვიზიტი მოწმობს, თუ რა დიდ მნიშვნელობას ანიჭებს ჩრდილოეთ კორეა ჩინეთთან მეგობრული ურთიერთობის გაძლიერებას.

ჩრდილოეთ კორეის ლიდერის, კიმ ჩენ ინის თქმით, ჩრდილოეთ კორეის მთავრობა დიდ ყურადღებას უთმობს ჩინეთთან პარტიათაშორისი კავშირების გაძლიერებას.

„ჩინეთთან მეგობრობის განვითარება ჩვენი არჩევანია და ამას ვერაფერი შეცვლის“, - აღნიშნა კიმ ჩენ ინმა.

ჩრდილოეთ კორეის ლიდერის ვიზიტი ჩინეთში 25-დან 28 მარტამდე გაგრძელდა.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება